بەهۆی هێرشی تورکیاوە سێ ژن بریندار بوون
بەهۆی هێرشی فڕۆکە بێفڕۆکەوانەکانی تورکیا بۆ سەر کارگەی زۆزان لە دێرک سێ ژن بریندار بوون.
ناوەندی هەواڵ
هێرشەکانی دەوڵەتی تورکیا بۆ سەر باکوور و ڕۆژهەڵاتی سووریا بەردەوامە، فڕۆکە بێفڕۆکەوانەکان و جەنگییەکانی دەوڵەتی تورکیا ئەمڕۆ دووجار کارگەی ماست و پەنیریان بە ناوی زۆزان لە شاری دێرک لە کانتۆنی جزیرەی باکوور و ڕۆژهەڵاتی سووریا بۆردوومان کرد.
لە ئەنجامی بۆردوومانەکەدا سێ ژن بریندار بوون، کە یەکێکیان بە سەختی بریندار بووە و گواستراونەتەوە بۆ نەخۆشخانەکان، هەروەها زیانی ماددیش هەبووە.