ناوەندی هەواڵ

 

ڕۆژی پێنجشەمە هەڵبژاردنی سەرۆکی کۆمیسیۆنی یەکێتی ئەوروپا، لە ستراسبۆرگ بەڕێوەچوو، ئۆرسۆلا ڤان دێرڵاین بۆ جاری دووەم بە ٤٠١ دەنگی بەڵێ بەرامبەر بە ٢٨٤ دەنگی نەخێر و ١٥ دەنگی بێلایەن، وەک سەرۆکی کۆمسیۆنەکە بۆ پێنج ساڵی دیکە هەڵبژێردرایەوە.

 

ڤان دێرڵاینی تەمەن ٦٥ ساڵ لە وتارەکەیدا بۆ دووبارە هەڵبژاردنەوەی، جەختی لەسەر پێویستی “ئەوروپایەکی بەهێز” کردەوە، لە سەردەمی ترس و نادڵنیایی لە ڕادەبەدەردا و لە وتارەکەیدا لە ستراسبۆرگ بە پەرلەمانتارانی ڕاگەیاند، دەیەوێت لەگەڵ هەموو هێزە دیموکراسییەکانی ناو پەرلەمانی ئەوووپا، بەرەنگاری هەموو توندڕەوەکان ببێتەوە.