بەرچەم جودی

 

کۆبانێ- زانکۆی کۆبانێ کە لە ساڵی ٢٠١٧ کراوەتەوە و چەندین ساڵە خەباتی پەروەردەیی دەکات، لە ٣ی ئاداردا گواسترایەوە بۆ بینای نوێی خۆی و هەلی خوێندن لە هەموو بوارەکاندا زیاد دەکات.

 

زانکۆی کۆبانێ لە ٣ی ئادار بە دروشمی "زانین خۆبوونە، خۆبوونە هەبوونە" بە ڕەنگی نوێی خۆی و بە خۆشییەکی زۆرەوە لەلایەن گەل و خوێندکارانی کۆبانێوە پێشوازی لێکراو کرایەوە، لە ساڵی ٢٠١٨ەوە کاری دروستکردنی زانکۆ دەستیپێکردووە، ڕووبەڕەکەی سێ هەزار مەترە.

 

لە زانکۆی کۆبانێ دوو کۆلێژی سەرەکی هەیە، یەکێکیان ئەدەبی و زانستییە، ئەم کۆلێژە دابەشکراوە بەسەر ١٢ بەشدا لەوانە کۆلێژی وێژە، پەروەردە، زانستە سروشتییەکان، پەیمانگای زانستە سروشتییەکان، زانستە پەروەردەییەکان، پزیشکی، تەکنیکی، ژمێریاری، زمان، بەڕێوەبردن و زانستی یاسا، خوێندنی باڵا بۆ زانستە کۆمەڵایەتییەکان.

 

خەزنە ئیبراهیم، هاوسەرۆکی زانکۆکە، لەبارەی کردنەوەی زانکۆی نوێی کۆبانێ بۆ ئاژانسەکەمان قسەی کرد.

 

"بە هەلومەرجی دژواردا گەیشتینە ئەم ڕۆژانە"

خەزنە ئیبراهیم باسی له پرۆسەکانی پەرە پێدانی زانکۆی کۆبانێ کردو وتی: گەلی کورد ساڵانێکە خەونی ئەوەیان هەیە به زمانی دایک فێرببن و په روه رده بکرێن، ئەمە ئەمڕۆ ڕوودەدات لەگەڵ شۆڕشی ڕۆژئاوای کوردستان کە ئێمە دەیبینین بە زمانی دایک لە پرۆسەی قوتابخانەوە تا پەیمانگا و زانکۆکان دەخوێندرێت، بێگومان کردنەوەی زانکۆکان کارێکی ئاسان نییە، چونکە لەم قۆناغەدا باسی بەرزترین ئاستی پەروەردە دەکەین، بۆیە ئەم قۆناغە زۆر پیرۆز و مانادار دەبینم، زانکۆی عەفرین و ڕۆژئاوا کرایەوە، لەو کاتەدا ژمارەیەکی زۆر لە خوێندکاران چوونە ئەو زانکۆیانە، زانکۆی کۆبانێ لە ساڵی ٢٠١٧ ژێر هەلومەرجی سەختدا دامەزراوە، ئەوەش زانراوە کە شەڕێکی گەورە لە شاری کۆبانێدا بەرپا بووە و بووەتە هۆی وێرانکردنی زۆربەی بینا و ژێرخانی ناوچەکە، لەبەر ئەوەیە کە ئێمە بەربەستی گەورەمان بینیوە لە دۆزینەوەی شوێنێک بۆ گۆڕینی انکۆکە، لەبەر ئەوەی لە سەرەتادا لە ئاستی زانکۆدا نەبوو، ئێمە لە کۆلێژی وێژەی کوردی و زانستە سروشتییەکان دەستمان پێکرد، لەو کاتەدا ٣٥ خوێندکاری هەبوو، ئەم هەنگاوە زەمینەیەکی بەهێز بوو کە دوای چەندین ساڵ گەیشتینە ئەم ڕۆژانە و لە ئێستادا ژمارەیەکی زۆر لە خوێندکاران هەن و ژمارەی خوێندکاران زۆرن.

 

"هەزار و ٢٠٠ خوێندکار لە ١٢ بەشدا هەن"

خەزنە ئیبراهیم زانیاری لەبارەی زانکۆکەوە بلاوکردەوەو وتی: چه ندین فاکەڵتی سەرەکی و بەشمان لە زانکۆکە کردووەتەوە، کۆلێژی پەروەردە و پەیمانگای زانستە پەروەردەییەکان کە تێیدا بەشی زمانی ئینگلیزی، جوگرافیا، مامۆستای پلە، زیندەزانی و هتد لەخۆ دەگرێ، هەروەها فاکەڵتی وێژەی کوردی و عەرەبیش دەگرێتەوە، هەروەها پەیمانگایەکی تەکنیکی هەیە کە بەشی کارەبا و تەکنیکی هەیە، ژمێریاری، بەڕێوەبردن و یاسا، لە لایەکی ترەوە، پەیمانگایەکی پزیشکی هەیە، کە سێ بەشی تێدایە، و بەشی تەکنیکی دەرمانسازی لە داهاتوودا دەکرێتەوە، لە زانکۆکەدا هەزارو ٢٠٠ خوێندکار هەیە، کە زۆربەیان ژنن، ١٨٤ کارمەندی زانکۆ و ٣٠ مامۆستا هەن.

 

"لە ڕۆژە مێژووییەکاندا دەژین"

خەزنە ئیبراهیم ئاماژەی بەوەکرد، ئێستا شۆڕشی زمان له ڕۆژئاوای کوردستان بەڕێوەدەبرێت و وتی: کردنەوەی زانکۆی نوێی کۆبانێ بۆ ئێمه ڕووداوێکی مێژووییەو لەم کاتەدا گەیشتووینەتە ئاستی زانکۆکانی جیهان، هەروەها بۆ خەباتی پەروەردە کاریگەرییەکی ئەرینی دروستکرد، ئێستا ژمارەی هۆڵەکان زیاترو گەورەترە کە قوتابیان دەتوانن بە ئاسوودەییەکی زۆرەوە بەشداری وانەکان بن، هەروەها هەر بەشێک بینایەکی سەربەخۆی هەیە، لە لایەکی ترەوە، دەتوانین تاقیگە لە زانکۆ نوێیەکە ئامادە بکەین بۆ ئەوەی بە تەواوی خوێندکاران لە بەشەکانی فیزیا و کیمیا و پزیشکی پەروەردە ببینن، بۆیە ئەو دڵخۆشییەی کە ئێستا ئێمە و خوێندکاران تێیدا دەژین بە وتن دەرنابڕدرێت.