بەهۆی زریانی دانیال منداڵانی بێسەرپەرشت هەن و زیانیان بەرکەوتووە
بەپێی ڕاپۆرتێکی نوسینگەی نەتەوە یەکگرتووەکان بۆ هەماهەنگی کاروباری مرۆیی "OCHA" ، ٤٠٠ منداڵی بێسەرپەرشت هەن لەدوای زریانی دانیال کە شارەکانی ڕۆژهەڵاتی لیبیای گرتەوە.
ناوەندی هەواڵ
کارمەندانی مرۆیی بەردەوامن لە ڕێکخستنی چاودێری کۆمەڵایەتی بۆ ٢٣٥ منداڵی بێ سەرپەرشت، دوای ئەنجامدانی ١٧ چاوپێکەوتن لەگەڵ سەرچاوە سەرەکییەکان و ١٥ سەردانی ماڵەوە بۆ دیاریکردنی ئەو منداڵانەی کە زۆرترین زیانیان بەرکەوتووە بەهۆی کاریگەرییەکانی لافاوەکەوە.
هەروەها بە پێی ڕاپۆرتێکی نوسینگەی نەتەوە یەکگرتووەکان بۆ هەماهەنگی کاروباری مرۆیی "OCHA" ڕۆژی ٢٥ی تشرینی یەکەم، مەزەندەی ئەوە دەکەن کە بەلایەنی کەمەوە ٤٠٠ منداڵی بێ سەرپەرشت و جیاکراو بەهۆی لافاوەوە لە ڕۆژهەڵاتی لیبیا لە ١٠ی ئەیلوول بەجێماون، ئەو منداڵانە پێویستیان بە جۆری جیاواز هەیە بەپێی بارودۆخەکەیان و هەندێکیان لەلایەن خزمە نزیکەکانیانەوە چاودێری دەکرێن لە ژینگەیەکی سەلامەت و جێگیردا، لە کاتێکدا ئەوانی تر خۆیان لە دۆخێکی مەترسیدارتردا دەبیننەوە بەهۆی نەبوونی چاودێری سەرەتایی.
تیمەکە چاودێری دواکەوتنی تۆمارکردنی فەرمی منداڵانی بێسەرپەرشتیان کرد، لە کاتێکدا کارمەندانی مرۆیی بەردەوامن لە شوێنکەوتنی شێوازی تۆمارکردنی خێرا بۆ ڕێگەدان بە یەکگرتنەوەی خێزانەکان یان چارەسەری جێگرەوە، تێبینی ئەوە دەکەن کە بەردەوامن لە دابینکردنی پشتیوانی بۆ ئەو کەسانەی کە بەڵگەنامە مەدەنییەکانیان لەدەستداوە.
کارمەندانی مرۆیی ئاماژەیان بە نەبوونی دەستگەیشتن بە ژنان کرد بە خزمەتگوزاری و چالاکییە تایبەتەکان، لە کاتێکدا هۆشداری دەدەن لەوەی چالاکییەکانی ڕێگریکردن لەسەر توندوتیژی لەسەر بنەمای جێندەر پێویستە بە خێرایی زیاد بکرێن بۆ پشتگیریکردنی پێداویستییەکانیان.