دەلال ڕەمەزان

 

حەسەکە- لە مانگی تشرینی یەکەمی هەموو ساڵێکدا، ڕێکخراوەکانی کۆمەڵگەی مەدەنی ژنان، نەخۆشخانە گشتی و تایبەتەکان و ڕێکخراوە تەندروستییەکان چالاکن بۆ بەرزکردنەوەی ئاستی هۆشیاری دەربارەی شێرپەنجەی مەمک و هەڵمەتی هۆشیارکردنەوە و دۆزینەوەی ئازاد دەستپێدەکات و داوا لە ژنان دەکات ئەم پشکنینانە ئەنجام بدەن بۆ ئەوەی پەروەردەیان بکەن دەربارەی گرنگی دەستنیشانکردنی زوو بۆ زانینی نەخۆشییەکەیان و پاشان ئاسانی و سەرکەوتنی چارەسەر.

 

لە مانگی تشرینی یەکەمدا، لیژنەی تەندروستی کۆنگرەی ستار لە پارێزگای حەسەکە لە باکوور و ڕۆژهەڵاتی سووریا هەوڵدەدات هەوڵەکانی چڕتر بکاتەوە بۆ پەروەردەکردن و هۆشیار کردنەوەی ژنان دەربارەی مەترسییەکانی شێرپەنجەی مەمک و ڕێگاکانی ڕێگریکردن لێی و چۆنیەتی زوو دۆزینەوەی لە ڕێگەی وانە و دەستپێشخەرییەکانی هۆشیارییەوە کە لەم مانگەدا دەستیان پێکردووە.

 

وانەکانی هۆشیاری و ناساندنی نەخۆشییەکە پێشکەش دەکرێت

جومانە عوبەید، بەڕێوەبەری لیژنەی تەندروستی کۆنگرەی ستار لە پارێزگای حەسەکە لە باکوور و ڕۆژهەڵاتی سووریا وتی: مانگی تشرینی یەکەم بە مانگی هۆشیاری شێرپەنجەی مەمک ناسراوە، وەک ئەندامانی لیژنەی تەندروستی کاردەکەین بۆ ڕێکخستنی وانەکان و پێشکەشکردنیان لە هەموو گوند و شارۆچکەکانی پارێزگای حەسەکە بۆ ئەوەی بگەینە زۆرترین ژمارەی ژنان و ناساندنی  نەخۆشییەکە و دەستنیشانکردنی زوو و ڕێگاکانی خۆپاراستن و چارەسەر.

 

وتیشی: لە ڕێگەی وانەکانی هۆشیارییەوە، ژنان بە شێرپەنجەی مەمک دەناسێنین، کە کۆمەڵێک شانەیە کە دەبنە فیبرۆسیس و ئەگەر زوو چارەسەر نەکران، ئەوا دەبنە شێرپەنجەی مەمک، هەروەها هەوڵدەدەین ئەو هەنگاوانە ڕوون بکەینەوە کە پێویستە جێبەجێ بکرێن بۆ دڵنیابوون لە سەلامەتی، ڕۆڵمان لێرەدا سنووردارە بە دابینکردنی خزمەتگوزاری پاڵپشتی دەروونی بۆ نەخۆشەکە، چونکە دۆخی دەروونی ڕاستەوخۆ کاریگەری لەسەر نەخۆشەکە دەکات.

 

"بە درێژایی ساڵ هۆشیاری لەسەر نەخۆشییەکانی دیکەش دەدەین"

جومانە عوبەید ئاماژەی بەوەشکرد، بە درێژایی ساڵ کاردەکەن بۆ پێشکەشکردنی وانەو وتی: نەک تەنها لە مانگی تشرینی یەکەمدا، هەروەها وانە لەسەر نەخۆشییەکانی دیکە هەیە وەک زەردبوون کە کاریگەری لەسەر گەورەکان و منداڵان هەیە، هەروەها سوودەکانی ئەو گیا سروشتییانە دەگرێتەوە کە لە ناوچەکانی ئێمەدا زۆرن و لە هەندێک حاڵەتدا وەک دەرمانی جێگرەوە بەکاردەهێنرێن، سوود بە تووشبووان دەگەیەنێت لەجیاتی بەکارهێنانی ماددە کیمیاییەکان کە لە داهاتوودا نیشانەی مەترسیداریان هەیە.

 

ئاماژەی بەوەشکردووە، کاردەکەن بۆ گەیشتن بە هەموو ژنان لە هەموو گوند و شارۆچکەکان و بە هەماهەنگی لەگەڵ ئەنجومەنە ناوخۆییەکان و لیژنەی گەڕەکەکان.

 

لە کۆتایی قسەکانیدا داوای لە هەموو ژنان کرد بەشداری لە وانەکانی هۆشیاریدا بکەن بەهۆی گرنگییان لە بەرزکردنەوەی هۆشیاری و پەروەردەکردنی کۆمەڵگە لە ڕووی تەندروستییەوە.