ڕوشێل جونیۆر

 

سوەیدا- خۆپیشاندانەکانی گەلی سوەیدا لە سووریا چووەتە دووەم مانگی خۆپیشاندانەکانەوە و خۆپیشاندەران بەردەوامن لە چوونە گۆڕەپانی کەرامە، بەشدارییەکی بەرفراوان لە ژنان هەیە و جەخت لە داواکارییە یاساییەکان دەکەنەوە.

 

خەڵکی سوەیدا بەردەوامن لە خۆپیشاندانەکانیان لە زۆربەی گۆڕەپانەکان و گوندەکانی شارەکە، بەڵام گەورەترین کۆبوونەوە لە گۆڕەپانی کەرامەیە و جەختیان لە داواکارییەکانیان کردەوە بۆ گۆڕانکاری سیاسی و جێبەجێکردنی بڕیاری ٢٢٥٤ی نەتەوە یەکگرتووەکان وەک چارەسەرێک بۆ کۆتایی هێنان بە قەیرانی سووریا کە ١٢ ساڵە بەردەوامە.

 

ڕیما عەزی، خۆپیشاندەر وتی: زۆر هۆکار هەیە کە وای لێکردم بەشداری خۆپیشاندان بکەم، لەوانە ئاوارەبوون، کوشتن، برسێتی و شێوازی دیکتاتۆری سەرکوتکردن، دەمانەوێت ڕژێمی بەشار ئەسەد و ئەو دەسەڵاتەی کە دوای دەکەوێت بڕووخێن، لە دادوەرەوە بۆ پارێزەر و بازرگان و دەسەڵاتی گەندەڵی.

 

جەختی لەوە کردەوە کە دروشمەکەیان هەمان دروشمە و داواکارییەکانیان هەمان داواکارییە، کە بریتییە لە گۆڕینی ڕژێم و باشترکردنی ئاستی ژیان، داوای لە هەموو ژنانی سووریا کرد بەردەوام بن لە خەبات بۆ ئەوەی ببنە ژنێکی ئازاد.