منداڵانی جیهان پێویستییان بە هاوکاری مرۆیی هەیە
لە ئێستادا منداڵان زیاتر پێویستیان بە یارمەتی مرۆیی هەیە، لەوەتەی جەنگی جیهانیی دووەم لە جیهاندا کۆتایی هاتووە، منداڵان ڕووبەڕووی ئاڵۆزییەکی مێژوویی قەیرانەکان دەبنەوە، لە ناکۆکی و ئاوارەبوون بۆ تووشبوون بە نەخۆشییەکان و بەرزبوونەوەی ڕێژەی بەدخۆراکی.
ناوەندی هەواڵ
یونسێف ڕایگەیاندووە، زیاتر لە ٤٠٠ ملیۆن منداڵ لەو ناوچانە دەژین کە لە ژێر ناکۆکیدان، هەروەها یەک بلیۆن منداڵ خەمڵێنراوە بە نزیکەی نیوەی منداڵانی جیهان لە وڵاتەکان دەژین، کە لە ئەوپەڕی لاوازی بۆ کاریگەرییەکانی گۆڕانی کەشوهەوان، بەلایەنی کەمەوە ٣٦.٥ ملیۆن منداڵ لە ماڵەکانیان ئاوارە بوون، ٨ ملیۆن منداڵی خوار تەمەن ٥ ساڵ لە نێوان ١٥ وڵاتی قەیراناوی لە مەترسی مردندان بەهۆی بەفیڕۆدانی سەختەوە.
یونسێف ئاماژەی بەوەشکردووە کە دۆخەکە دوورە لە نائومێدی، ڕایگەیاندووە، ئێمە دەزانین کە چۆن بگەین بە منداڵان لە گەورەترین مەترسی و لە زۆر پێویستیدا، کرداری مرۆڤدۆستانەی بڕیاردەر و کاتی خۆی دەتوانێت ژیانی منداڵان ڕزگار بکات، لە هەمانکاتدا تۆوی گەشەسەندنی داهاتوو دەبەخشێت.
لە ڕێگەی کرداری مرۆیی بۆ منداڵان لە ساڵی ٢٠٢٣، یونیسێف داوای ١٠.٣ بلیۆن دۆلاری ئەمریکی دەکات بۆ گەیشتن بە زیاتر لە ١١٠ ملیۆن منداڵ بۆ یارمەتی مرۆیی.
ئامانجەکان بۆ ساڵی ٢٠٢٣ کاری مرۆییە بۆ منداڵان
لە ساڵی ٢٠٢٣دا یونسێف و هاوکارەکانی بەردەوام دەبن لە پێشکەشکردنی وەڵامێکی مرۆیی بە بنەما، لە کاتی خۆیدا، پێشبینیکراو و کارامە لە گەڵ نۆرم و ستانداردە نێودەوڵەتییەکان، یونسێف کار لەسەر بەهێزکردنی خۆڕاگری کۆمەڵگەکان و ژێرخانەکانی تەندروستی دەکات بۆ بەرگرتن بە مەترسییەکانی کەشوهەوا، بە ئامانجی باشتر بەستنەوەی وەڵامە مرۆییەکەی بۆ خۆڕاگری درێژ خایەنی کۆمەڵگە و گونجاندنی کەشوهەوا.