"حاڵەتی سورێژە لە جیهاندا لە زیادبووندایە"
یونیسێف و ڕێکخراوی تەندروستی جیهانی ئاماژەیان بەوە کرد، نەخۆشی سورێژە کە زیاتر لە منداڵاندا دەبینرێت، لە هەموو جیهاندا زیادی کردووە و هۆشداریشیان داوە، ژمارەی تووشبووان لە ساڵی ٢٠٢٤دا لە کۆی گشتی ساڵی ٢٠٢٣ تێدەپەڕێت.
ناوەندی هەواڵ
ڕێکخراوی تەندروستی جیهانی و سندوقی نەتەوە یەکگرتووەکان بۆ منداڵان-یونیسێف ڕاپۆرتێکی نوێیان سەبارەت بە زیادبوونی حاڵەتەکانی سورێژە بڵاوکردەوە، تیایدا هاتووە، بەپێی ئەو داتایانەی کە لەبەردەستدان لە سێ مانگی ساڵی ٢٠٢٤، ڕێکخراوی تەندروستی جیهانی بە فەرمی ٥٦ هەزار و ٦٣٤ حاڵەتی توشبوون بە نەخۆشی سورێژە و ٤ حاڵەتی مردنی لە ٥٣ وڵاتی هەرێمی ئەوروپا تۆمارکردووە، ٦١ هەزار و ٧٠ حاڵەت و ١٣ حاڵەتی مردن لە ٤١ وڵاتدا ڕوویانداوە.
"نەخۆشی سورێژە کاریگەری نەرێنی لەسەر تەندروستی منداڵ هەیە"
لە ڕاپۆرتەکەدا کاریگەرییە جدییەکان لەسەر منداڵان بەم شێوەیە خراوەتەڕوو، "سورێژە کاریگەری نەرێنی لەسەر تەندروستی منداڵان هەیە، مەترسی جددی ئاڵۆزییەکان لە منداڵانی زۆر بچووکدا بەدی دەکرێت، زیادبوونی ڕێژەی خەواندن لە نەخۆشخانە و لاوازی کۆئەندامی هەرسکردنی منداڵان بۆ ماوەیەکی زۆر، منداڵ لە نەخۆشییە درمیەکانی دیکە بێ پارێزراو دەکات، لە ساڵی ٢٠٢٣ ڕێکخراوی تەندروستی جیهانی، لە ناوچەکانی ئەوروپا، زیاتر لە نیوەی حاڵەتەکانی توشبووانئ لە نەخۆشخانە خەوێندراون، ئەمەش بارگرانی سیستەمی تەندروستی لەسەر تاک و خێزانەکان دەردەخات".
"ڕووداوێک بانگەوازێکە بۆ کردەوەی بەپەلە"
لە ڕاپۆرتەکەدا لێدوانەکانی بەڕێوەبەری هەرێمی ئەوروپای ڕێکخراوی تەندروستی جیهانی د. هانس هێنری پی کلۆگ بڵاوکراوەتەوە و دەڵێت: تەنانەت یەک حاڵەتی سورێژە دەبێت بانگەوازێک بێت بۆ ڕێوشوێنی بەپەلە، ئەو حاڵەتانەی لە ساڵی ٢٠٢٣دا تۆمارکراون، نزیکەی هەموویان لە منداڵانی خوار تەمەنی ٥ ساڵدا ڕوویانداوە.
"حاڵەتی سورێژە لە سەرتاسەری جیهاندا لە زیادبووندایە"
لە ڕاپۆرتەکەدا هاتووە کە حاڵەتەکانی سورێژە لە سەرتاسەری جیهان زیادیان کردووە، ئەو ژمارەیەی تا ئێستا لە ساڵی ٢٠٢٤دا تۆمارکراوە، لە کۆی گشتی ساڵی ٢٠٢٣ تێپەڕیوە، "لەو شوێنانەی کە کەسانی تووشبوو بە ڤایرۆسی کۆرۆنا هەن، هیچ کوتانێک بۆ نەخۆشییەکە بوونی نییە، لەو وڵاتانەی کە هیچ حاڵەتێکی سورێژە و کۆکەیان تێدا نییە، بۆ ڕێگریکردن لە بڵاوبوونەوەی ڤایرۆسەکە لە ناوخۆی وڵات و دەرەوەی وڵات، بۆ پلاندانان بۆ هاوردەکردن و لە بابەتی ئامادەکاری پراکتیک پێویستە، لە ئێستادا، ئەو وڵاتانەی کە پەتاکەیان هەیە، پێویستە بەردەوام بن لە کوتانی هەموو کەسێک و زیادکردنی دۆزینەوەی حاڵەتەکان، شوێنپێهەڵگرتنی بەرکەوتن و دەستنیشانکردنی بۆشاییەکان لە کوتانەکاندا، بۆ ڕێگریکردن لە بڵاوبوونەوەی زیاتر لە داهاتوودا و پاراستنی کۆمەڵگەکان بە بەرنامە.