شەنگال

 

سەرەڕای هێرشەکانی دەوڵەتی تورکیا بۆ سەر باکوور و ڕۆژهەڵاتی سووریا لە ٢٣ی کانوونی یەکەم، دەوڵەتی تورکیا ئیوارەی دوێنێ ٢٨ی کانوونی یەکەم هێرشی کردە سەر شەنگال.

 

بەپێی زانیارییەکانی خۆبەڕێوەبەری شەنگال، فڕۆکە بێفڕۆکەوانەکانی دەوڵەتی تورکیا سێ جار لە کاتژمێر ١٨:٠٠ی ئێوارەی ٢٨ی کانوونی یەکەم لە ناوچەی کۆڕا سیمۆقیە لە ناوچەی مەزارگێی شارۆچکەی خانەسۆر لە شەنگال چادری کرێکارانی بیری ئاویان بۆردومان کردووە.

 

بەپێی زانیارییەکان لە ئەنجامی بۆردومانەکەدا ٥ کرێکار گیانیان لەدەستداوە و دوو کرێکاری دیکەش برینداربوون.