مریەم تاوسیی ڕاکەری ئێرانی ڕیکۆردی لە پێشبڕکێکانی ئەمریکادا شکاند
مریەم تاوسی، ڕاکەری ئێرانی بەشداریی لە پێشبڕکێکانی ڕاکردنی ناو هۆڵی لە ویلایەتی نیڤادای ئەمریکادا کرد و توانی ژمارەی پێوانەیی لە پێشبڕکێی ٢٠٠ مەتریدا بشکێنێت.
ناوەندی هەواڵ
دوێنێ ٢٦ی کانوونی دووەم، مریەم تاوسی، ڕاکەری ئێرانی، بەشداریی لە پاڵەوانێتی ناو هۆڵی نیڤادای لە ئەمریکا کرد و توانی ژمارەی پێوانەیی بە تۆمارکردنی ٢٣.٦٣ چرکە لە پێشبڕکێی ٢٠٠ مەتریدا بشکێنێت.
ئەم ڕاکەرە ئێرانییە توانی کاتی ٢٣.٦٣ چرکە لە ڕاکردنی ٢٠٠ مەتریدا تۆمار بکات و لە پێشبڕکێکەدا سەرکەوتنی بەدەستهێنا و دوای ٢١ ساڵ ڕیکۆردی نەتەوەیی ٢٠٠ مەتریی ڕاکردنی ناو هۆڵی ژنانی ئێرانی شکاند.
ڕیکۆردی پێشووی ئەم یارییە لەلایەن مایدە چاوشیزادە لە ساڵی ٢٠٠٣ بە کاتی ٢٥.٤٠ چرکە تۆمار کرابوو، مریەم تاوسی توانی لە تەمەنی ٣٥ ساڵیدا بیشکێنێت.