عەبیر محەمەد

 

قامیشلۆ- ٢٠ی ئایار یەکەم ساڵیادی بڵاوکردنەوەی گۆڤاری "“آفاق المرأة”"یە "ئاسۆی ژنان" بە ناوی ژنان لە باکوور و ڕۆژهەڵاتی سووریا دەردەچێت، گۆڤارێکی ڕۆشنبیری، سیاسی و کولتوورییە. هەر دوو مانگ جارێک بە زمانی عەرەبی بڵاو دەکرێتەوە، نێرگز ئیسماعیل، سەرنووسەری گۆڤارەکە دەربارەی ساڵیادی دەرچوونی قسەی بۆ کردین.

 

"ژنان ئاسۆی خۆیان دەخەنە سەر لاپەڕەکانی گۆڤارەکە"

نێرگز ئیسماعیل، سەرنوسەری گۆڤاری “آفاق المرأة” یەکەمین ساڵیادی دامەزراندنی گۆڤارەکەی لە هەموو ژنانی باکوور و ڕۆژهەڵاتی سووریا بە تایبەتی ڕۆشنبیران و نووسەران پیرۆزکرد، وتی: کاتێک تۆ بیر و سروشت و گەڕان و ئارەزووی ئازادی بەکاردەهێنیت، زۆر گرنگە کۆمەڵگەیەکی کۆمەڵایەتی و دیموکراتیک بونیاد بنێیت، جێگای شانازی و سەرکەوتنە بۆ ژنان کە ئەم هێزەیان لەگەڵدا بونیاد بنێن و ئاسۆکانیان بخەنە سەر لاپەڕەکانی گۆڤارەکە.

 

مەرج و ئاستەنگییەکانیان گۆڕی بۆ هێز

نێرگز ئیسماعیل، تیشکی خستە سەر بارودۆخی ناوچەکەیان و هەروەها ئەو سەختییانەی ڕووبەڕووی بوونەتەوە وتی: بەدڵنیاییەوە، هێشتا لە بارودۆخێکی سەختدا دەژین، قەیرانی سووریا لەگەڵ ئەوەشدا بەردەوامە، هێشتا هیچ سەقامگیرییەک لە ئاستی ناوچەکەمان لە باکوور و ڕۆژهەڵاتی سووریا نییە،  وەک دەزاندرێت، هێشتا شەڕ و داگیرکاری لە وڵاتەکەماندا ماوە، شارەکانمان داگیرکراون، ژنان و منداڵان ڕووبەڕووی کێشە دەبنەوە.

 

هەروەها وتیشی: ٢٠ی ئایاری ٢٠٢٤ حەوتەمین چاپمان بڵاوکردەوە، ژنان ناسنامەیەکیان هەیە کە زانست و فەلسەفەی ژیانی ئازاد و دیموکراسی لەخۆ دەگرێت، بەڵام پێناسەکردن و سڕینەوەی ناسنامەیان قورس بوو بە نووسین لەسەر لاپەڕەکان، ژنان بۆ ماوەی هەزاران ساڵە قەدەغەکراون و بێدەنگ کراون، بەڵام هەرچەندە ئەم کێشانە هەن، ژنان دەتوانن بەرخۆدان بکەن.

 

گۆڤاری “آفاق المرأة” چۆن گەیشتە ژنان لە جیهاندا؟

نێرگز ئیسماعیل ئاماژەی بەوەکرد، گۆڤارەکەیان کە لە کانتۆنی جزیرە لە باکوور و ڕۆژهەڵاتی سووریاوە دەستی پێکردووە، لە هەموو شوێنێک بۆ ژنان بڵاوبووەتەوە و لە هەموو شوێنێک پەیوەندی بە ژنانەوە کردووە، لە جزیرەوە دەستمان پێکرد، گۆڤارەکەمان لەسەر ئاستی سووریا بڵاودەکەینەوە، جگە لە چەند ناوچەیەکی کەم بەهۆی بارودۆخی تایبەتی ئەوان، بە شێوەی PDF لە تۆڕە کۆمەڵایەتییەکانی خۆمان بڵاوی دەکەینەوە، ئێستا بەشدارییەکی گشتی ژنان لە ڕۆژهەڵاتی ناوەڕاست و ئەوروپا لە گۆڤارەکەدا هەیە.

 

ئامانجەکانی “آفاق المرأة” بۆ داهاتوو

نێرگز ئیسماعیل جەختی لەوە کردەوە، ئەوان خۆیان بە باوەڕی ئازادی قەڵەم و ناسنامە و ئاسۆی ئەو ژنانە ڕێکدەخەن کە لە پێناوی دیموکراسیدا تێدەکۆشن و وتی: لەگەڵ یەکەم ساڵیادی گۆڤارەکەمان، کە هەنگاوێکی مێژوویی و گرنگە بۆ ئێمە، ئامانجەکانمان زیاد دەکەین. لە ساڵی یەکەمدا، دەمانەوێت بەشداری لە چەندین پێشەنگادا بکەین، سیمینار لەسەر بابەتەکانی گۆڤارەکانمان ساز بکەین و میتۆدەکانمان بڵاو بکەینەوە، بەتایبەتی بۆ ژنانی تێکۆشەر، ڕۆشنبیران، هۆنەر سیاسەتمەداران و نووسەران.