بانگەوازی بۆ کۆتایی هێنان بە داگیرکارییەکانی دەوڵەتی تورکیا لە سووریا دەکرێت
ئیدارەی خۆبەڕێوەبەری دیموکراتیک لە هەرێمی فورات هێرشی دەوڵەتی تورکیای بۆ سەر عەین عیسا شەرمەزار کرد، کە تیایدا ٣ ئەندامی خێزانێک گیانیان لەدەستدا و داوای کرد هێرشە لەشکرکێشییەکانی دەوڵەتی تورکیا ڕابگیرێت.
ناوەندی هەواڵ
دوێنێ، ٩ی ئاب، دەوڵەتی تورکیا هێرشی کردە سەر گوندی ئەلشیرکە لە ڕۆژئاوای عەین عیسا و لە ئەنجامدا ٣ کەسی یەک بنەماڵە گیانیان لەدەستدا، کە دوانیان منداڵن، هەوەها سێ دیکەش بریندار بوون.
ئیدارەی خۆبەڕێوەبەری دیموکراتیک لە هەرێمی فورات بەیاننامەیەکی نووسراوی سەبارەت بە هێرشەکە بڵاوکردەوە و لە ڕاگەیەندراوەکەدا ئاماژە بەوە کراوە، کە دەوڵەتی تورکیا بەردەوامە لە سیاسەتی دوژمنکارانە و پێشێلکارییەکانی بەرامبەر بە خەڵکی باکوور و ڕۆژهەڵاتی سووریا، سیاسەتی گۆڕانی دیمۆگرافی جێبەجێ دەکات، ئیدارەی خۆبەڕێوەبەری تیشکی خستەسەر بێدەنگی کۆمەڵگەی نێودەوڵەتی لە بەرامبەر ئەم هێرشانە و داوای کرد؛
"پێشێلکارییەکانی دەوڵەتی داگیرکەری تورکیا لە سووریا و باکوور و ڕۆژهەڵاتی سووریا جێگەی قبوڵکردن نییە و نامرۆڤانەن، پێویستە لایەنە نێودەوڵەتییەکان ئەرک و بەرپرسیارێتی سیاسی، ئەخلاقی و مرۆیی خۆیان بەرامبەر بە خەڵکی ناوچەکە پێکبهێنن و کۆتایی بە داگیرکاریی تورکیا لە سووریا بهێنن.