ناوەندی هەواڵ

 

گۆڤاری تروسکە، گۆڤارێکی ڕۆشنبیری، سیاسی و کۆمەڵایەتی، هزری و ئەدەبی، تایبەتە بە ژنان لە باشووری کوردستان، کە تەواوی نووسەر و ئامادەکاری گۆڤارەکە ژنن، مێژووی تروسکە دەگەڕێتەوە بۆ ساڵی ٢٠٠٤ و لە سەرەتای درووستبوونییەوە بە مەبەستی خزمەتکردن و بەهێزکردنی توانا فکرییەکانی ژنان و بەئاگاهێنانەوەی ژنان لە پرسەکانی تایبەت بە خۆیان و کۆمەڵگا و جیهان کاریکردووە.

 

گۆڤاری تروسکە مانگانە ژمارەیەکی نوێی دەخاتە بەر دیدی خوێنەرانی و ئەم مانگەش ژمارە ٢١٧ بە چەندین بابەت و بڵاوکراوەی نوێوە بڵاوکردەوە.

 

ناوەڕۆکی ئەم ژمارەیەی گۆڤاری تروسکە هاوکاتبوو لەگەڵ هەڵمەتی بەرەنگاربوونەوەی توندوتیژی دژ بە ژنان لە ٢٥ نۆڤەمبەر کە بابەتەکانی پێکهاتووە لە خستنەڕووی خەبات و تێکۆشانی ژنان بە درێژای مێژوو تا ئێستا، لەگەڵ چەندین بابەتی دیکەی وەک هاوژیانی ئازاد، فکری ئازادیخوازی، شۆڕشی گەلانی ئازادیخواز لە ڕۆژهەڵاتی ناوەڕاست.

 

وتووێژ: لە خوشکانی میرابالەوە بۆ ژینا و زەینەب و ناگیهانەکان لە نووسینی " ڕۆژبین دەنیز، هێژا زەریا "

هزری: هاوژیانی ئازاد - ئەکادیمیای ژنۆلۆژی، پێداگۆگی ئازادیخوازانە لە تێڕوانینەکانی پاولۆ فرێری " بەشی دووەم" - ئامارا باشوور

سیاسی: لە حەڤدە شەهیدەکەی قڕگەوە بۆ حەڤدە شەهیدەکەی زاپ - سارا ڕەزا

تایبەت:  شۆڕشی گەلانی ئازادیخواز لە ڕۆژهەڵاتی ناوەڕاستدا - شۆخان میرزا، شاماران.. ڕاستیی ژن - ئەکادیمیای ژنۆلۆژی، ـسێبەرەکەم "دەقێکی ئەدەبی بۆ ناگیهان ئاکارسەل"، نووسینی: سەعدییە بەهرام - وەرگێڕانی: ڕۆزا حەمەساڵح

ئەدەبی:  ملوانکە "چیرۆک"، نووسینی: گی دو مۆپاسان، وەرگێڕانی: ڕۆزا حەمەساڵح