ناوەندی هەواڵ

 

عەلی حەمییە، وەزیری گواستنەوەی لوبنان سەبارەت بە داخستنی ڕێگای ئاوارە بوونی هاوڵاتیانی وڵاتەكەی لەلایەن ئیسرائیلەوە، ڕاگەیەندراوێكی بڵاوكردەوەو تێیدا هاتووە: بەهۆی هێرشێكی ئیسرائیلەوە ڕێگای دەروازەی سنووری مەسنەع داخرا، كە ئەو ڕێگایە سەدان هەزار كەس بۆ ئاوارەبوون بەكاریان دەهێنا.

 

ئاماژە بەوەکراوە، هەر ئەمڕۆ هێرشی ئیسرائیل بۆ سەر گەڕەكی باشووری بەیروت و هەروەها دەروازەی سنووریی مەسنە لەگەڵ سووریا دەستپێكرد.

 

وەزارەتی تەندروستی لوبنان بڵاویكردەوە، بەهۆی هێرشەكانی دوێنێی ئیسرائیلەوە ١٨٨ كەس كوژران و بریندار بوون.