ڕەجا حەمید ڕەشید

 

عێراق-بە ئامادەبوونی بینەرێکی نوخبەی ڕۆشنبیران و نووسەران و هونەرمەندان، کۆمەڵەی ژنانی عێراق بە هاوکاری کۆڕبەندی ڕۆشنبیری "بەیتنا"، ٣ی ئایار، میوانداری ئیمان خوزەیر، دەرهێنەری فیلمی کرد بۆ نمایشکردنی فیلمی "جەواد سەلیم و سەمفۆنیای برۆنزی".

 

سوهەیلە عاسام، جێگری سکرتێری خولی ژنانی عێراق سەرپەرشتی دانیشتنی گفتوگۆی کرد، پێداچوونەوەی بە ژیانی پیشەیی و هونەری ئەو دەرهێنەرە کرد.

 

ئیمان خوزەیر دەرهێنەر شانازی خۆی بە فیلمەکەی دەربڕی کە بۆ جاری سێیەم لە عێراق نمایش دەکرێت، ئاماژەی بەوەشکرد، "فیلمەکە نوێنەرایەتی باڵایەکی عێراقی و عەرەبی و نێودەوڵەتی دەکات، نەک تەنها چیرۆکی ژیانی جەواد سەلیم دەگێڕێتەوە، بەڵکو باس لە بابەتێک دەکات کە هەموو عێراقییەکان پێی ئاشنان، هەرچەندە ڕەنگە بە تەواوی ئاشنای نەبن، فیلمەکە باس لە دیوارە بەناوبانگەکەی باب شەرقی (مۆنۆمێنتی ئازادی) دەکات، کە یەکێکە لە شوێنەوارە ڕۆشنبیرییەکانی بەغدا، هاوشێوەی شوێنە گەورەکانی دیکەی شارەکان وەکو بیگ بن، تاوەری ئیڤڵ، یان دیواری گەورەی چین،بەڵام کەم کەس دەزانێت بیرۆکەی ئەم شوێنەوارە چۆن دەستی پێکردووە، لە کوێوە هاتووە و جەواد سەلیم،پەیکەرتاشی ئازارچێشتوو بەرگەی گرتووە بۆ بەدەستهێنانی ئەم دەستکەوتە ناوازەیە، فیلمەکە چیرۆکی دیوارەکێشانەکە دەگێڕێتەوە، کە ڕەنگدانەوەی یەکێک لەو پرسە هەستیارانەیە کە پەیکەرتاشەکە بە ژیانی خۆی پارەی بۆ داوە.

 

ئیمان خوزەیر، دەرهێنەر ڕوونی کردەوە کە "فیلمەکە لە دەوری چەندین گفتوگۆ دەسوڕێتەوە، بەو پێیەی ئێمە مامەڵە لەگەڵ کارەکتەرێک و دەستکەوتێکی هونەری دەکەین کە چەندین لایەنی هەیە، بەتایبەتی لە پێکهاتەی تابلۆکەدا"، پەیکەرتاشەکە هەوڵیداوە ئەو شوێنەوارە لە کایە سیاسییەکان دووربخاتەوە، هاوکات ڕەهەندێکی مێژوویی و جوانکاریی پێبەخشیوە، بە ئامانجی پاراستنی بەردەوامییەکەی، ئەو پیاوێکە سەر بە هیچ لایەنێکی سیاسی نییە، ئەمە یەکێک بووە لەو قەیرانانەی کە لە کارەکانیدا ڕووبەڕووی بووەتەوە.

 

سەبارەت بەو سەختییانەی کە لە تەواوکردنی فیلمەکەدا لە لایەن و دامەزراوە پەیوەندیدارەکانەوە ڕووبەڕووی بووەتەوە، ئیمان خوزەیر دووپاتیکردەوە کە لە ڕێگەی چەندین بەڵگەنامەیەوە کە لە دامەزراوە فەرمییەکانی بەرپرسیار لە پاراستنی بەڵگەنامە و ئەرشیفەکانەوە دەستکەوتووە، وەک کتێبخانە و ئەرشیفی نیشتمانی، جگە لە پەیوەندیکردن لەگەڵ کەسانێک کە لەگەڵ پەیکەرتاشی کۆچکردوودا دەژیا، کاری لەسەر فیلمەکە کردووە، هەموو ئەو زانیاریانەی لە فیلمەکەدا هاتووە لە چوار بۆ پێنج سەرچاوەی باوەڕپێکراوەوە بەڵگەدارکراون.

 

دانیشتنەکە بەشدارییەکی زۆری ئامادەبووانی بەخۆیەوە بینی، مۆنا سەعید، کورتەچیرۆکنووس و ڕۆژنامەنووس ئاماژەی بەوەدا کە فیلمەکە نوێنەرایەتی بەهایەکی مێژوویی بەرچاو دەکات و دەڵێت "مۆنۆمێنتی جەواد سەلیم تاکە بەرهەمە کە مێژوو و ئێستا و داهاتووی عێراق نەمر دەکات، هیچ کارێکی هونەری دیکە لە دوای دروستبوونی ئەم شوێنەوارەوە بەهای هونەری بەو شێوەیە بەدەست نەهێناوە"،ئەو ژنە ستایشی کارەکانی ئیمان خوزەیر، دەرهێنەر دەکات ، دەڵێت: کارەکەی دەستکەوتێکی تاکەکەسی بوو کە یەکسان بوو بە هەوڵی دامەزراوەکان.

 

 ئیمان هاشمی،دکتۆر هەروەها دەستخۆشی لە هەوڵەکانی ئیمان خوزەیر،دەرهێنەر کرد لە بەرهەمهێنانی فیلمەکەدا ئاماژەی بەوەدا کە فیلمەکە پێویستی بە هەندێک گرتە ڤیدیۆیی هەیە بۆ ئەوەی نیشان بدات کە مۆنۆمێنتی گۆڕەپانی ئازادی شوێنی چەندین ئاهەنگ و ناڕەزایەتی و داواکاری بۆ هەموارکردنەوەی یاسا ستەمکارەکان بووە.

 

 شەمیران ئۆدیشۆ سکرتێری کۆمەڵەی ژنانی عێراق ڕایگەیاند، مۆنۆمێنتی ئازادی نوێنەرایەتی ئەو قۆناغانە دەکات کە گەل و شارستانیەتی عێراق پێیدا تێپەڕیون، ناوبراو خۆشحاڵی خۆی بە هەوڵی ژنانی عێراقی وەک دەرهێنەر و هونەرمەند دەربڕی، هاوکات ستایشی ئامادەبوون و داهێنەری ژنانی کرد لە هەموو بوارەکاندا.