ناوەندی هەواڵ

 

بەهۆی باران بارینی زۆر و درووست بوونی لافاوەوە دۆخی ناوچەی ئۆرسكی مەترسیدارە و باری نائاسایی لە تەواوی پارێزگای ئۆرنبۆرگ ڕاگەیاند.

 

ئەلێكساندەر كۆرنكۆڤ، بەرپرسی ڕاگەیاندنی باری نائاسایی ڕووسیا لە بارەی ڕاگەیاندنی باری نائاسایی لە شارێكی ڕاگەیاندراوێكی بڵاوكردەوە، لە ڕاگەیاندراوەكەدا هاتووە، بەهۆی باران بارینی زۆر و درووست بوونی لافاوەوە دۆخی ناوچەی ئۆرسكی ولاتەکەمان مەترسیدارە و باری نائاسایی لە تەواوی پارێزگای ئۆرنبۆرگ ڕاگەیاندراوە.

 

دەشڵێت: بەهۆى بارینى بارانى بەلێزمەوە پێشبینی دەكرێت لافاوەكە فراوانتر بێت و بۆ ئەو مەبەستەش سەرجەم تیمەكانی فریاگوزارییەکان خراونەتە حاڵەتى ئامادەباشیەوە تا لە هەردۆخێکدا بەهاناى هاوڵاتییانەوە بچن.

 

شاری ئۆرسک ناوەندی لافاوەكەیە و چوار هەزار و ٥١٨ بینای نیشتەجێبوون ژێر ئاو كەوتوون، هەروەها زیاتر لە چوار هەزار كەس ناوچەكەیان چۆڵكردووە، كە ٨٨٥ لەوانە منداڵن و بۆ ئەو مەبەستەش ١١ سەنتەری داڵدەدانی كاتی و زیاتر لە هەشت هەزار قەرەوێڵە لە ئۆرسك دانراون بۆ زیان لێكەوتووان.