نەغم چاچان

 

قامیشلۆ – دەزگای ژنانی ئازاد یەکێکە لەو پلاتفۆرمە گرنگانەی کە پاڵپشتی بەهێزکردنی ژنان و پەرەپێدانی تواناکانیان لە بوارە جیاوازەکانی پیشەیی دەکات، ئەم دامەزراوەیە لە ڕێگەی زنجیرەیەک خولی پەروەردەی تایبەتەوە ئاسۆی نوێ بۆ ئەو ژنانە دەکاتەوە کە بەدوای کارامەیی پراکتیکیدا دەگەڕێن، بوونیان لە بازاڕی کاردا زیاد بکات و سەربەخۆیی زیاتریان پێببەخشێت.

لەناو ئەو کێشە ئابووری و کۆمەڵایەتییانەی ڕووبەڕووی هەرێم دەبێتەوە، ڕۆڵی دامەزراوەکە وەک شوێنی پارێزراو دیارە، ئەمەش ڕێگە بە ژنان دەدات فێربن و دەستپێشخەری بکەن و داهاتوویەکی سەقامگیرتر بونیاد بنێن.

 

میدیا عەلی، بەڕێوەبەری دەزگای ژنانی ئازادی سووریا، لەبارەی پڕۆژە و کار و چالاکییەکانی دەزگای ژنانی ئازاد بۆ ئاژانسەکەمان قسەی کردو ڕایگەیاند، کە دامەزراوەی ژنانی ئازاد لە ساڵی ٢٠١٤ دامەزراو ڕاپرسی بەپێی داواکاری ژنان دابەشکرا و بەم شێوەیە دامەزراوەی ژنانی ئازاد دامەزرا، ئامانجی سەرەکی لە دوای دامەزراندنی دامەزراوەکەوە، دابینکردنی هەلی کارە بۆ ژنان.

 

"ئەوەی پێویستە بۆ ژنان گەشەکردنیەتی"

میدیا عەلی ئاماژەی بەوەشکرد، لە دامەزراوەکەدا چەندین لیژنە دامەزراون کە بەشێکیان لیژنەی پەروەردە و لیژنەی تەندروستی و لیژنەی پڕۆژەکانن، لەڕێگەی ئەو پڕۆژانەوە ژنان فێری خوری و کاری دەستی و چنین دەکرێن و وتی: لە دامەزراوەکەدا هۆڵێکی وەرزشیش هەیە، ژنان لە دامەزراوەکەدا مەشقی تەندروستی و فریاگوزاری سەرەتایی وەردەگرن، دوای تەواوکردنی مەشقەکان، بڕوانامەیان پێدەدرێت، بەشی پەروەردەکەمان کە لە ٣ کەس پێکهاتووە، دەچێتە دەرەوە بۆ لای گشتی و دامودەزگاکان، سیمیناری هزری دەکات، هەر جارێکیش تەوەری سیمینارەکە جیاوازە. ئەوەی پێویستە بۆ ژنان گەشەکردنیەتی. هەروەها گەشەپێدان لە ڕێگەی سیمینارەوەیە، بۆ ئەوەی ژنان بتوانن خۆیان بناسن.

 

"ئێمە نامانەوێت ژنان وەک پێشوو لە ماڵەوە بمێننەوە"

میدیا عەلی ئاماژەی بەوەدا، لە سەردەمی ڕژێمی بەعسدا هەلی دامەزراندن بۆ ژنان سنووردار بووە و وتی: لە سەردەمی ڕژێمی بەعسدا ئەو ژنانەی کە بڕوانامەی خوێندنیان نەبووە، نەیاندەتوانی کار بکەن، دامەزراوەکە هەلی دامەزراندنی زۆری بۆ ژنان ڕەخساند، ئەگەر دوای تەواوکردنی خوێندنیان پێویستی بە کارکردن لە دامەزراوەکەدا هەبوو، ئێمە دەیانهێنین بۆ کارکردن لەگەڵمان، دامەزراوەی ژنانی ئازاد ژنان لە هەموو پێکهاتەکانەوە لە باوەش دەگرێت، ئێمە نامانەوێت ژنان وەک جاران لە ماڵەوە بمێننەوە، ژنان پێویستە خۆیان بناسن و متمانە بە کەسایەتی خۆیان بکەن.

 

"تا ساڵی ٢٠١٩ دامەزراوەی ژنانی ئازاد تەنها لە ڕۆژئاوا بوو"

میدیا عەلی ڕایگەیاند، کە ئەوان پەروەردەی تەندروستی لە گوندەکانیشدا پێشکەش دەکەن، دەزگای ژنانی ئازاد لەسەر ئاستی باکوور و ڕۆژهەڵاتی سووریایە و وتی: دەچینە کۆمۆنەکانی گوندەکان، لەوێ ژنان کۆدەکەینەوە و پەروەردەی تەندروستی لیان پێشکەش دەکەین، تا ساڵی ٢٠١٩ دامەزراوەی ژنانی ئازاد تەنها لە کوردستانی ڕۆژئاوا بوو، بەڵام دواتر لقەکانی دامەزراوەکە لە سەرانسەری سووریادا دابەشکرابوون.

 

"هەروەها کلینیکی گەڕۆک هەیە"

میدیا عەلی باسی لە کار و چالاکییەکانی دەزگای ژنانی ئازاد کرد و ڕایگەیاند، کە نزیکەی ٥ کلینیکی دامەزراوەکە هەیە، هەروەها کلینیکێکی گەڕۆکیش هەیە وتی: ئێمە لە کلینیکەکانمان پزیشکی ژنان و منداڵانمان هەیە و چارەسەرەکەش بێبەرامبەرە، هەروەها لە هۆل شوێنمان هەیە، بەڵام سەرەتا کێشەی زۆرمان هەبوو، لە هۆل زۆرجار ژن و منداڵ هێرشیان دەکردە سەرمان، بەڵام ئێمە چووینە ناو کامپەکانیان و سیمینارمان بۆ کردن، لە ڕێگەی سیمینارەکانەوە کەمێک بیرکردنەوەیان گۆڕا، سەرەتا جلەکانیان هەمووی ڕەش بوو، بەڵام دوای سیمینارەکان هەموو ڕەشیان  گۆڕی.

 

"سیمینارەکان لەسەر پزیشکی سروشتی دەدرێن"

میدیا عەلی ڕوونیشیکردەوە، کە لە کۆبانێ شوێنێکیان هەیە بە ناوی کەسەکسۆر بۆ منداڵانی بێ سەرپەرشت و وتیشی: بەشێکی دامەزراوەکەش کلینیکێکی لە کامپی ڕۆژ هەیە و هەفتەی دووجار چالاکی بۆ منداڵان ڕێکدەخات، لە شاری حەسەکە کلینیکێکی بناغەیی هەیە، لە هەمانکاتیشدا شوێنی دەرمانی سروشتی هەیە و هەروەها شوێنی دەرمانی سروشتیشمان هەیە لە دربەسی

سیمینار لەسەر دەرمانی کیمیایی و پزیشکی سروشتی دەکرێت، هەوڵ دەدەین لە زۆر شوێن پزیشکی سروشتی دابمەزرێنین، هەروەها دەزگای ژنانی ئازاد لە هەمان کاتدا شوێنێکمان بۆ منداڵانی بێ سەرپەرشت دامەزراندووە، ٢٠ منداڵ لەوێدان، ئێمە بەگشتی پێداویستییەکانی ئەو منداڵانەی لەگەڵمانن دابین دەکەین مامۆستا هەیە لەگەڵ کارەکانیان دەستپێدەکەن و چالاکییەکانیان بۆ ڕێکدەخەن.

 

"هەڵمەتێک بۆ ئاوارەکان"

میدیا عەلی ڕایگەیاند، کە دامەزراوەکە یارمەتی پەنابەرانیش دەدات، وتی: ئێمە هەڵمەتەکانیش ڕێکدەخەین، ماوەیەک لەمەوبەر هەڵمەتێکمان بۆ پەنابەران ڕێکخست،  پێداویستیەکانیان دابین کرد. دامەزراوەکە ڕۆژانە یارمەتی پەنابەران دەدات،

ئێستا لە شاری ڕەققە دەستمان بە وۆرکشۆپی چنین کردووە، لە هەمانکاتدا دوکانێکمان کردۆتەوە بۆ نمایشکردنی ئەو کارە دەستیانەی کە لەلایەن دامەزراوەکەوە دروستکراون، ئەو سەختییانەی لەگەڵ ژناندا ڕووبەڕووی بووینەوە، سەرەتا خێزان و کۆمەڵگە تاڕادەیەک لە پێش ژنانەوە بوون.

 

"ناوەندێکی وەرزشی بۆ ژنان کراوەتەوە"

لە کۆتایی قسەکان یدا میدیا عەلی باسی لە کارەکانی ڕۆژانەی دەزگاکە کردو وتی: چەندین پێشانگای کاری دەستی بەڕێوەچووە وۆرکشۆپی دروومان هەموو ڕۆژێک کراوەیە، هەروەها کاری دەستی هەیە،  پێشانگا بۆ کاری دەستیی دامەزراوەکە بەڕێوەدەچێت، هەروەها هەموو ڕۆژێک وانەکانی مۆسیقا هەیە، وانەکانی زمانی کوردی و بیانی لە دامەزراوەکەدا هەیە، لەگەڵ ناوەندی وەرزشی لە دامەزراوەکەدا هەیە کە ژنانی تێدایە هەموو ڕۆژێک سودمەندن لێی.