ناوەندی هەواڵ

 

هێرشەکانی ئیسرائیل بۆ سەر غەززە بەردەوامن و زیان بەر کەرتی گشتی گەیەندراوە، تیدرۆس ئەدهانۆم، بەڕێوەبەری گشتیی ڕێکخراوی تەندروستی جیهانی ڕایگەیاند، نەخۆشخانەی شیفا لە غەززە کە ئامانجی هێرشەکانی ئیسرائیلە، چیتر ناتوانێت خزمەت بکات.

 

تێدرۆس ئەدهانۆم لەو بارەیەوە لە هەژماری ئێکس، ڕایگەیاند، لە نەخۆشخانەی شیفا بە سەرپەرشتی تیمی هەڵسەنگاندنی نەتەوە یەکگرتووەکان ئەرکێک بەڕێوەدەبرێت کە مەترسییەکی گەورەی تێدایە.

 

تێدرۆس ئەدهانۆم ڕاشیگەیاندووە، نوێنەرەکانیان ڕایانگەیاندووە، کە نەخۆشخانەکە چیتر ناتوانێت خزمەت بکات، ئاو و خواردن و سووتەمەنی نییە و دەرمان و ئامێرە پزیشکییەکان لە کۆگادا نەماون، کارمەندانی تەندروستی دەیانەوێت ئەو نەخۆشانە دەربهێنن کە چیتر ناتوانن چارەسەری مانەوەیان لە ژیان وەربگرن.