ئیستەنبوڵ

 

دایکانی شەممە بۆ زانینی چارەنووسی کەسوکارەکانیان کە لە دەستبەسەرییدا بێسەروشوێنکراوان و دادگاییکردنی تاوانباران، لە گۆڕەپانی گەڵاتەسەرای کۆبوونەوە و چالاکیی ١١٠٥ـەمینی خۆیان ئەنجامدا.

 

داکۆکیکارانی مافی مرۆڤیش بە هەڵگرتنی گوڵ و وێنەی بێسەروشوێنان بەشداریی چالاکییەکەیان کرد.

 

نەبوونی گۆڕ لە جەژنەکاندا زۆرترین هەستی پێدەکرێت

ئاماژە بەوەکرا، هەرچەندە جەژن ڕۆژانێکە کە خێزانەکان یەکدەگرنەوە و حەسرەت سوک دەبن، بەڵام بۆ ئەو کەسانەی ئازیزانیان لەدەستداوە واتای جیاواز وەردەگرن، لەگەڵ هەر جەژنێکدا نەبوونی کەسێکی ئازیز لەسەر مێزەکەمان گەشە دەکات؛ کاتێک زەنگی دەرگا لێدەدرێت، بەدوای منداڵ و هاوژین یان خوشک و برا ونبووەکەماندا دەگەڕێین، چونکە ئازیزانمان بۆ هۆکاری سروشتی جێیان نەهێشتووین. لە ژێر چاودێریدا ون بوون، لە ژێر پاراستنی دەوڵەتدا لەناوچوون، جەژن یەکێکە لەو کاتانەی کە زۆرترین هەست بە نەبوونی گۆڕ دەکرێت، کاتێک مرۆڤەکان لە سەر گۆڕی ئازیزانیان کۆدەبنەوە، ئێمە هیچ گۆڕێکمان نییە بچینە سەری. کەواتە، بۆ ئێمە جەژن تەنیا حەسرەت نییە؛ هەروەها کاتێکە کە نادادپەروەری سەرلەنوێ هەست پێدەکرێت.