ناوەندی هەواڵ

 

بزووتنەوەی بەهێزی ژنانی ئەفغانستان سەبارەت بە کردەوەکانی تاڵیبان بۆ سەرکوتکردنی ژنانی وڵاتەکە بەیاننامەیەکیان بڵاوکردەوەو تێیدا هاتووە: سیاسەتی جیاکارانە و نامرۆڤانەی تاڵیبان داهاتووی نەوەکانی وڵاتەکەیانی خستووتە مەترسییەوە.

 

ئاماژە بەوەشکراوە، داخستنی ناوەندە پەروەردەییەکان و بەردەوامی قەدەغەکردنی خوێندن و کارکردنی ژنان و دوورخستنەوەیان لە شوێنە گشتییەکان و سنووردارکردنی جلوبەرگ و هاتوچۆی ئازادی ژنان و منداڵانی کچ، بووەتە هۆی دوورخستنەوەیان لە کۆمەڵگە و ئەم سیاسەتانە پێشێلکردنی مافەکانی مرۆڤن.

 

وتیان: داوا لە کۆمەڵگەی نێودەوڵەتی دەكەین ڕێوشوێنی بەپەلە بگرنەبەر بۆ بەرەنگاربوونەوەی تاڵیبان.

 

ئەوە لە کاتێکدای لە بڕیاری نوێی سەرۆکی حکومەتی تاڵیباندا خوێندنی ژنان لە بەشی مامانی و پەرستاری لە پەیمانگاکان قەدەغەکرا. ئەوەش کاردانەوەی بەرفراوانی ناوخۆی و جیهانی لێکەوتەوە.