شنگال - لە ١٨ی ئاداردا بۆسەیەک لە شاری شنگال لەلایەن سوپای عێراقەوە بە ئامانجی گرتنی شەڕڤانانی یەبەشە دانرا. لە ئەنجامدا شەڕ و پێکدادان ڕوویدا و فەرماندەیەک و دوو چەکداری دیکەش برینداربوون. بەگشتی ٥ شەڕڤانان لەلایەن سوپای عێراقەوە دەستگیرکران. هێرش و گرتنی شەڕڤانانی یەبەشە لەلایەن خەڵکی شنگالەوە دەستبەجێ توڕەیی و کاردانەوەی لێکەوتەوە.

 

بنەماڵەی شەڕڤانانی زیندانیکراوەکانی یەبەشە نامەیان بۆ ڕای گشتی، ڕێکخراوەکانی مافی مرۆڤ، نەتەوە یەکگرتووەکان، یەکێتی ئەوروپا و ١٤ وڵات نارد کە بە فەرمی فەرمانی ساڵی ١٩٧٤یان بە جینۆسایدی ئێزیدی پێناسە کردوە. مەبەست لەم ناوە ئازادکردنی منداڵەکانیان و ڕاگەیەندرا کە شەڕڤانانی یەبەشە و یەژەشە پارێزەری خاک و گەلەکەیانن و پێویستە دەستبەجێ ئازاد بکرێن.

 

لە نامەکەدا هاتووە؛ کە:" لە سەدەی بیست و یەکدا فەرمانی ٧٤ی ٣ی ئابی ٢٠١٤ لە دژی پێکهاتەی ئێزیدی دەرچوو و خەڵک ڕووبەڕووی جینۆساید بووەوە، لەم فەرمانەدا لەبری ئەوەی پێشمەرگەی پارتی دیموکراتی کوردستان و سوپای عێراق پێکهاتەکە بپارێزن و ڕێگری لەو کۆمەڵکوژییە بکەن، هەڵاتن و شەنگالیان بەجێهێشت، هێزەکانی یەبەشە و یەژەشە بۆ پاراستنی خاک و شەرەف و کولتوور و... بە هێزێکی زۆر و بە تێچووی زۆر هێرشەکانی داعشیان تێکشکاند."

 

'شنگال گەمارۆ دراوە'

 لە ١٨ی ئاداردا بۆسەیەک لە شاری شنگال لەلایەن سوپای عێراقەوە دانرا و ڕێگای بەرەو ئۆتۆمبێلی چەکدارانی یەبەشە گیرا و لە ئەنجامدا ٥ چەکداری یەبەشە دەستگیرکران. بەپێی مادەی چوارەمی یاسای تیرۆری ساڵی ٢٠٠٥ دەستبەسەر کراون. دوای ئەم ڕووداوە، سوپای عێراق زرێپۆشی زۆریان ناردە ناو شەنگال و شارەکە لەلایەن سوپای عێراقەوە گەمارۆدرا. فشارێکی زۆر دروست دەکەن و کۆنترۆڵی ئۆتۆمبێلە مەدەنییەکان دەکەن لە کاتی چوونە ژوورەوە و دەرچوونیان بۆ ناو شار. ئەگەر سوپا بەو چەکانە هێرشی بکردایەتە سەر داعش، هیچ فەرمان و کۆمەڵکوژییەک ئەنجام نەدەدرا. سەرەڕای ئەم هێرش و هەڕەشانە لەسەر خاکی عێراق، تا ئەمڕۆ هیچ پێگەیەکی حکومەتی عێراق سەریهەڵنەداوە. هەروەها حکومەت لێبوردنی گشتی بۆ ئازادکردنی ئەو ئەندامانەی داعشی پەسەندکردووە کە فەرمانەکەیان جێبەجێکردووە.

 

'حکومەتی عێراق هێرش دەکات ئەگەر دان بەو دەسەڵاتەدا بنێت'

 سوپای عێراق هێرش دەکاتە سەر منداڵانی ئێزیدی کە شەڕی داعشیان کرد و ناوچەکەیان ڕزگارکرد. دە ساڵە هێزەکانمان بەرگری لە شەنگال و خەڵکەکەی دەکەن بە هەموو ئێزیدی و عەرەب و شیعەکانەوە. میراتی فەرمانی ٧٤ لە نێو ژنان و منداڵان و کۆمەڵگەی ئێزیدیدا هێشتا زیندووە. دەشڵێت: "هەزاران ئێزیدی بە ژنیشەوە تا ئێستا بە دیل لەلایەن داعشەوە گیراون و چارەنووسیان نادیارە".

 

 

'منداڵەکانمان دەستبەجێ ئازاد بکەن'

ئەو خێزانانەی لە کۆتایی نامەکەدا داواکارییەکانیان بۆ ئازادکردنی منداڵەکانیان خستەڕوو و دەڵێن:" ئێمە، بنەماڵەی ئەو ٥ چەکدارەی یەبەشە کە لەلایەن حکومەتی عێراقەوە دەستبەسەرن، داوا لە ڕێکخراوە نێودەوڵەتییەکانی مافی مرۆڤ، نەتەوە یەکگرتووەکان، یەکێتی ئەوروپا و ئەو ١٤دەوڵەتە دەکەین کە بە فەرمی فەرمانی ٧٤یان وەک جینۆساید پێناسە کردووە، بۆ ئازادکردنی منداڵەکانیان نزیک دەبێتەوە لە کۆمەڵگەی ئێزیدییەکان و بێدەنگ بن دەبێت دەستبەجێ منداڵەکانمان ئازاد بکرێن لە هەمان کاتدا دەبێت هێرشەکان دژی ئێزیدییەکان بوەستێنرێن و ئەم دۆخە گرژییە کۆتایی پێبێت.