بەرژین کارا

 

مەخموور- سوپای عێراق لە ٢٠ی ئایار هەوڵیدا کامپی پەنابەرانی شەهید ڕۆستەم جودی لە مەخموور بە تەل و خەندەق و قولە  گەمارۆ بدات، خەڵکی کامپی مەخموور بەتوندی دژی هەڵوێستی سوپای عێراق وەستانەوە.

 

خەڵکی کامپەکە لە گەورەکانەوە بۆ گەنجان، لە ژنان و دایکان و گەنجانەوە تا تەمەنی ۹۰ ساڵان، بە بێ ترس و ئیرادەی بەرخۆدانی ۳۰ ساڵە لە دژی سوپای عێراق، چەک و ئۆتۆمبێلی زرێپۆش وەستاون، هەندێک جار بە دروشمەکانیانەوە، بە گۆرانی هەڵپەڕکێ هەندێک جار بە بەردەکانیانەوە، دژی هێرشەکانی حکومەتی عێراق وەستاون، بە تایبەتی ژنان و منداڵان و گەنجان لە کامپەکەدا لەدەستی ئەواندا تەنها بەرخۆدان هەبوو،  ئەوان هەڵوێستی خۆیان بەرامبەر حکومەتی عێراق نیشاندا، ئەم بەرخۆدانە نموونەیەک بوو بۆ هەموو جیهان و بووە هۆی ئەوەی حکومەتی عێراق بکشێتەوە، کامپی مەخموور جارێکی دیکە بە بەرخۆدان ناوی خۆی لەسەر لاپەڕەکانی مێژوو نووسییەوە.

 

ژنانی کامپی مەخموور کە بە دەستی خۆیان خەندەقەکانی حکومەتی عێراقیان پڕکردەوە باسی بەرخۆدانی ١٦ ڕۆژەی گەمارۆکەیان کرد و سەرچاوەی هێزی خۆیان دەربڕی.

 

"پێویستە تا کۆتایی مافەکانمان بپارێزین"

کەریمان کانات ئاماژەی بەوەکرد، دەوڵەتی تورکیا توندترین هێرش دەکاتە سەر گەلی کورد و وتی: ئەوان دەڵێن نابێت کورد هەبێت، نابێت ناسنامەیان هەبێت، نابێت زمانی خۆیان هەبێت، گەلی کوردستان لە بەرامبەر ئەمەدا بە بوونی خۆیان و بە ڕێکخراوەیی بەرگری لە مافەکانیان دەکەن، گەلی کوردستان دەڵێن ئێمە وەک هەموو گەلانی ڕۆژهەڵاتی ناوەڕاست دەبێت مافەکانمان بپارێزین و ناسنامەمان وخاک و گەلەکەمان بپارێزین، ماوەی چەند ساڵێکە دەوڵەتی تورکیا بەردەوام هێرشی کردۆتە سەر ئێمەی کورد لە ڕۆژئاوا و باشوور و سلێمانی و شەنگال، سەرەڕای هەموو شتێک، ئێمە بۆ هیج کەس سەر دانانەوێنین.

 

"بەرخۆدانێکی سەربەرزو بەجۆش بوو"

کەریمان کانات ئاماژەی بەوەشکرد، هەتا ئێستا لە  بەرامبەر دەوڵەتی تورکیا سەریان دانەنەواندووەو وتی: ئێمە لە کامپی مەخمور بەرخۆدانمان کردووە، بەرخۆدانێکی سەربەرزو بەجۆش بوو بەرامبەر تانک و تۆپەکانی دەوڵەتی عێراق، ئێمە بە هیچ شێوەیەک قبوڵی ناکەین، بۆ ماوەی ٣٠ بۆ ٣٥ ساڵە لەسەر خاکی عێراق جێگیربووین، نامانەوێت لە نێوان ئێمە و عێراقدا ناخۆشی هەبێت، نامانەوێت دڵمان لێک جیابکرێتەوە، عێراق نابێت ببیتە یاری دەستی ئەردۆغان و دەوڵەتی تورکیا و پەدەکە، بۆ ماوەی ٣٠ ساڵە پێکەوە دەژین، هیچ زیانێکمان بەیەک نەگەیاندووە، دەمانەوێت بەو شێوەیە بەردەوام بین، هیوادارین عێراق لەسەر ئەرک و بەرپرسیارێتییەکانی بێت.

 

"ئێمە خۆمان دەپارێزین"

گوڵێ ئۆزەک ئەوەیخستەڕوو حکومەتی عێراق سەرەڕای ئەوەی دەیزانی مەخمور کامپی پەنابەرانە هێرشی کردە سەریان وتی: ئێمە هێشتا شەڕمان لە دژی حکومەتی عێراق نەکردووە، بەڵام دەیانەوێت هێرش بکەنە سەرمان چونکە پەیوەندییان بە دەوڵەتی تورکیا و پەدەکەوە هەیە، ئەوە شتێکی ناشرینە، ئەوە وڵاتێکە کە ناتوانێت خۆی بپارێزێت بۆ ئەوەی بڵێت ئەم پەنابەرانە چەندین ساڵە لێرەن و ئێمە ئازارمان لێ نەبینیون، دەوڵەتی تورکیا دەڵێت عێراق هێرش دەکاتە سەر کامپەکە، پەدەکەش پەیوەندی بەوەوە هەیە، هەموو جیهان ئەوە دەبینێت کە تەنانەت عێراقیش لەگەڵ ئێمەدایە، ئێمە پێکەوەین، عێراق خۆی ئەوە دەبینێت کە چی هێزێک لە ناخماندا بێت هەموومان پیر، منداڵ، گەنج خەڵکی شەڕ نین، ئێمە تەنها بەرگری لە خۆمان دەکەین، دەڵێین دەبێت هەموو وڵاتان دەستیان لەسەر ویژدانی خۆیان دابنێن.

 

"دەوڵەتی تورک هەر ڕۆژێک هەڕەشە لە ڕۆژئاوا دەکات"

گولێ ئۆزەک لە قسەکانیدا تیشکی خستە سەر هێرشەکانی سەر شەنگال و ڕۆژئاوا و وتی: زۆربەیان نەخۆشن و ناتوانن بچنە نەخۆشخانە و دەرمان لە نەخۆشخانەکانماندا نییە، ژمارەیەکی زۆر لە خەڵک گیانیان لەدەستداوە، هیچ دەرمانێک لە کامپەکەدا نییە، داوا لە هەموو وڵاتان دەکەین کە ئەم کردارانە لە کامپەکە بوەستێنن. ئەوان دەتوانن بیکەن، بەڵام نایکەن، دەوڵەتی تورکیا هەموو ڕۆژێک هەڕەشە لە ڕۆژئاوا دەکات و ئێستا هەڕەشە لە ڕۆژئاوا دەکات، ئێمە وەک دایکان لێرە لەهەر شوێنێک کە زوڵمی تێدا دەکرێت ئێمە لە پشتیانین.

 

"با عێراقیش کاردانەوەی هەبێت"

گوڵێ ئۆزەک باسی لە ئەرک و بەرپرسیارێتی نەتەوە یەکگرتووەکان کردو وتی: ئەو ڕۆژەی عێراق فشاری خستە سەرمان، نەتەوە یەکگرتووەکان هات بۆ کامپەکە و ڕۆیشت، نەیانوت چی بەسەر ئیوەدا هات و بۆچی لەوێن، ئەوان بە حکومەتی عێراقیان نەوت بۆچی ئەم کارە دەکەن، ئەمانە پەنابەرن. نەتەوە یەکگرتووەکانیش هیچ شتێک بۆ ئێمە ناکات، ئەگەر ئەوان بڵێن ئێمە پارێزگاری لە مافەکانی مرۆڤ دەکەین، پێویستە بیپارێزن. ئێمە داوا لە وڵاتان دەکەین و دەڵێین دەبێت عێراقیش کاردانەوەی هەبێت.