ناوەندی هەواڵ

 

لە ڕاگەیەندراوێکدا بەڕێوەبەرایەتی پۆلیسی دارستان و ژینگەی پارێزگای سلێمانی کە لە پەیجى تایبەت بە خۆیان بڵاویان کردووەتەوە، ئاگرێكى فراوان لە گوندى کانى سوورى سەر بە شارەدێى پیرمەگرون کەوتەوە و بەهۆیەوە ٥٠ دۆنم لە پوش و پاوان سووتان.

 

بە پێی زانیارییەکان کەتنەوەی ئاگرەکە بە هۆکارێکی نا دیار بووە، جگە لەوەش بەهۆى تەزووى کارەباوە ئاگرێکى فراوان لە بازیان کەوتەوە و بەهۆیەوە ١٠٠ دۆنم لە پوش و پاوان و دارى سروشتى سووتان.

 

هەردوو ئاگرەکە بەهاوکارى دانیشتووانى ناوچەکە و تیمەکانى ئاگرکوژێنەوە تواندرا کۆنتڕۆڵ بکرێن.