یاریزانان بۆ قۆناغی چوارەمی ڕۆلاند گارۆس سەرکەوتن
زۆرێک لە یاریزانە ژنەکان سەرکەوتنیان بۆ قۆناغی چوارەمی ڕۆلاند گارۆس کە پاڵەوانێتییەکی گراند سلامە بەدەستهێنا.
![](https://test.jinhaagency.com/uploads/so/articles/2024/06/20240602-yari-jpg193cd6-image.jpg)
ناوەندی هەواڵ
دوێنێ شەممە ١ی حوزەیران، ئیلینا سڤیتۆلینای ئۆکراینی لە ئانا بۆجدانی ڕۆمانیی بردەوە و سەرکەوتنی بۆ قۆناغی چوارەمی پاڵەوانێتی ڕۆلاند گارۆس بەدەستهێنا.
ئیلینا سڤیتۆلینای ئۆکراینی کە لە پلەی 15ی پاڵەوانێتییەکەدایە، توانی بە دوو کۆمەڵە بەبێ وەڵام "٧ – ٥"، "٦ – ٢" یارییەکە بباتەوە، بۆ ئەوەی لە قۆناغی چوارەمدا ڕووبەڕووی ئیلێنا ڕیباکینای کازاخستانی ببێتەوە.
هەروەها جاسمین پاولینی ئیتاڵی کە لە پلەی ١٢ی پاڵەوانێتییەکە بوو، دوای ئەوەی بە دوو کۆمەڵە بەرامبەر بە یەک کۆمەڵە لە بیانکا ئەندرێسکۆی کەنەدی بردەوە، سەرکەوتنی بەدەستهێنا و لە قۆناغی داهاتوودا ڕووبەڕووی ئیلێنا ئاڤانێسیانی ڕووسی دەبێتەوە.
بەپێی تۆڕی ئاماری ئۆپتا، جاسمین پاولینی بووە یەکەم ژنی ئیتاڵی کە لە دوای سارا ئێرانی ساڵی ٢٠١٢ ەوە بگاتە هەشتەمین یاری کۆتایی لە دوو پاڵەوانێتی یەکەمی گراند سلامی ئەم وەرزەدا.
ئیما ناڤارۆی ئەمریکی کە پلەی ٢٢ی پاڵەوانێتییەکە بوو، مادیسۆن کیزی هاونیشتیمانیی خۆی لە پۆستەکەی دوورخستەوە، دوای ئەوەی لە دوو کۆمەڵەدا شکستی هێنا و هیچ وەڵامێکی نەبوو، یارییەکەی لە قۆناغی داهاتوودا لەگەڵ ئارینا سابالینکای بیلاروسی ڕێکخست.