کۆبانێ

 

خولی تۆپی پێی ژنانی گەنج کە لە ٢٩ی حوزەیرانەوە بە پێشەنگایەتی ئەنجومەنی گەنجان و وەرزش دەستیپێکرد، لە هەفتەی ٦ـەمیندا بەردەوامە، خولەکە لە یاریگای هاوڕێیەتی کۆبانێ و نەرویج بەڕێوەدەچێت، لە یاری دووەمی هەفتەی ٦ـەمیشدا، یانەی ڕۆشین و نەسرین بەریەک کەوتن، لە کۆتایی یارییەکەدا بە ٣ گۆڵ بەرامبەر بە هیچ یانەی ڕۆشین سەرکەوتنی بەدەستهێنا.

بارین حسێنی ١٦ ساڵ، یاریزانی یانەی ڕۆشینە و دەربارەی یارییە دۆستانەکەیان وتی: ماوەی سێ مانگە بە خۆشحاڵییەوە بوومەتە یاریزانی یانەی ڕۆشین و لە خولەکەدا لە ئاستی چوارەمداین، لەو باوەڕەشداین کە دەتوانین بگەینە ئاستی یەکەم و سەرکەوتن بەدەستبهێنین، ئەمڕۆ بەرامبەر بە یانەی نەسرین یاریمان کرد، ئەوەی بۆ ئێمە گرنگە بەردەوامیدانی خولەکەیە، چونکە ئەمە جاری یەکەمە خولێکی بەم شێووەیە بۆ تۆپی پێی کچان بکرێتەوە.

ت.پ