ناوەندی هەواڵ

 

شاخەوانی ئێرانی ئیلناز ڕەکابی بۆ ڕاهێنەرایەتی وەرزشوانانی ژنانی ئەمریکا، سەنگافورە و یۆنان هەڵبژێردرا، کە لە وڵاتانی جیاوازەوە بەشداری خولی ڕاهێنان دەکەن وەک دەستپێکێک بۆ باشترکردنی ئاستی سەرکەوتنەکانی ژنان لە بواری وەرزشدا

 

ئیلناز ڕەکابی وەرزشوان و شاخەوانی ئێرانی پاڵەوانی ئێرانە و لە ساڵی ٢٠١٧دا مەدالیای زێڕی جامی بۆڵدەرنگی ئاسیای بەدەستهێنا، لە پاڵەوانێتی شاخەوانی ئاسیا وازهێنانی لە بواری شاخەوانی ڕاگەیاند، لە ڕابردووشدا چەندین مەدالیا و خەڵاتی وەرگرتووە.

 

ئیلناز ڕەکابی، حیجابی ناچاریی وەرزشوانانی کچ لە پێشبڕکێ وەرزشییەکاندا بە یەکێک لە ئاستەنگە گەورەکانی سەرکەوتنیان دەزانێت، لە کاتی خۆپیشاندانەکانی ڕۆژهەڵاتی کوردستان و ئێراندا لە مانگی تشرینی یەکەمدا لە پاڵەوانێتیەکدا لە شاری سیئۆلی کۆریا بە بێ حیجاب دەرکەوت و دوای ئەوە هەڕەشەی لێکرا.