"ژنان دەبێت ساڵانە پشکنینی پێشوەختە ئەنجامبدەن"
توێژینەوەیەک ئاشکرایدەکات، شێرپەنجەی هێلکەدان کە یەکێکە لە مەترسیدارترین شێرپەنجەکان لە ژناندا، دەکرێت بە پشکنینی پێشوەختە پێشگیری لێبکرێت و بەزوویی چارەسەربکرێت.
ناوەندی هەواڵ
توێژینەوەیەکی زانکۆی بێرمینگهام لە بەریتانیا کە هەزار و ٧٩٠ ژن پشکنینیان بۆ کراوە و دەرکەوتووە، زوو دەستنیشانکردنی شێرپەنجەی هێلکەدان چارەسەر ئاساندەکات و درەنگ دەستنیشانکردنی ئەم شێرپەنجەیە چاکبوونەوە و ڕزگاربوون لێی بۆ ١٣% کەمدەکاتەوە.
پزیشک سوزا سوندەر، پسپۆڕی نەخۆشییەکانی ژنان و سەرپەرشتیاری توێژینەوەکە وتی: ژنان دەبێت ساڵانە پشکنینی پێشوەختە ئەنجامبدەن بەتایبەت کە شێرپەنجەی مەمک و هێلکەدان زۆر باون لە ئێستادا.
ئاماژە بەوەکراوە، ڕەنگە لە سەرەتادا نیشانەکانی ئەم شێرپەنجەیە دەرنەکەون تاوەکو زیاتر پەرەدەسێنێت و دەگاتە قۆناخەکانی بڵاوبوونەوە بۆ ئەندامەکانی دیکە.
دەکرێت تووشبوو هەست بەم نیشانانە بکات:
ئاوسانی سک
دەبەزینی لەناکاوی کێش
ماندوویێتی
ئازاری پشت و زۆر میزکردن