"شیرپێدانی دایک لە ١٢ ساڵی ڕابردوو بەڕێژەی ١٠% زیادیکردووە"
ڕێکخراوی تەندروستی جیهانی ئاشکرای دەکات، شیرپێدانی دایک لە ١٢ ساڵی ڕابردوو بەڕێژەی ١٠% زیادیکردووە.
ناوەندی هەواڵ
لە هەفتەی جیهانی شیرپێدان، ڕێکخراوی تەندروستی جیهانی و یونیسێف ڕایانگەیاند، پێویستە ژینگەیەکی گونجاو بۆ دایکان بڕەخسێندرێت و پشتگیرییان بکرێت، ئەمەش بەرپرسیارێتییەکی هاوبەشە لەنێوان خێزان، کۆمەڵگە، کارمەندانی چاودێریی تەندروستی، داڕێژەرانی سیاسەت و بڕیاردەران.
جەختیان لە دابینکردنی چاودێریی سیاسەتی شوێنی کار وەک دابینکردنی مۆڵەتی منداڵبوون بە مووچە لەلایەن خاوەن کارەکان، دابینکردنی پێداویستیی تەندروستیی سەرەتایی و فریاگوزاری بۆ دایکان و سنووردارکردنی بەبازاڕکردنی شیری قوتووەکان و بانگەشەکردن بۆ بەکارهێنانیان کردووەتەوە.
ڕێکخراوی تەندروستی جیهانی ڕایگەیاند، شیرپێدانی دایک لە ١٢ ساڵی ڕابردوو بەڕێژەی ١٠% زیادیکردووە، هەروەها سنووردارکردنی شیری قوتوو ڕێگەیەکی زیادکردنی شیرپێدانی سرووشتییە.