لە سلێمانی تووشبوونی منداڵان بە پەتای سکچوون زیادی کردووە
بەرێوەبەری نەخۆشخانەی منداڵانی سلێمانی ئاشکرایدەکات، تووشبوونی منداڵان بە پەتای سکچوون و ڕشانەوە زیادی کردووەو ئەو منداڵانەی دەچنە نەخۆشخانەکە زیاتر لە ٥٠%ی توشبووی پەتاکەن.
![](https://test.jinhaagency.com/uploads/so/articles/2024/06/20240608-mndalan-jpg64da6b-image.jpg)
ناوەندی هەواڵ
بەڕێوەبەری نەخۆشخانەی منداڵانی سلێمانی، لە بارەی زیادبوونی ڕێژەی تووشبوونی منداڵان بە سکچوون و ڕشانەوە لە سلێمانی ئاماژەی بەوەکرد، هەموو ساڵێک لەم کاتانەدا بە هۆی بەرزبوونەوەی پلەی گەرماوە ڕێژەی تووشبوون بە سکچوون و ڕشانەوە لەناو منداڵاندا زیاد دەکات، ڕۆژانەش ئەوانەی سەردانی نەخۆشخانەکە دەکەن زیاد لە ٥٠% تووشبووی سکچوون و ڕشانەوەن.
ئاماژەی بەوەشکردووە، بەهۆی هاتنی وەرزی هاوین ئەو حاڵەتانە دروست بووە و ڕێژەیەکی ئاساییە، بەڵام ڕێکاری پێویست دەگرنە بەر بۆ ئەوەی بەرزتر نەبێتەوە.
وەرزی هاوین هۆکارە بۆ ئەوەی ساڵانە توشبوون بە نەخۆشی سکچوون و ڕشانەوە ڕووبدات بەڵام پێویستە پزیشکان و هاوڵاتیانیش ڕێکاری تایبەت بگرنە بەر بۆ ئەوەی ڕێژەکە کەمتر بکەنەوە.