ناوەندی هەواڵ

 

دەرمانە هێورکەرەوەکان ئەو جۆرانەن کە بۆ کەمکردنەوەی ئازارەکانی وەک سەرئێشە، هەوکردنی جومگە و جەستە بەکاردەهێنرێن، بەشێوەیەکی گشتی دەتوانرێت بەبێ ڕەچەتەی پزیشکی وەربگیرێن، هەربۆیە لەلای ژمارەیەکی زۆر لە خەڵکەوە بەکاردەهێندرێن.

 

بەشێوەیەکی گشتی هێورکەرەوەکانی دژەهەوکردن هیچ زیانێکیان نییە، بە مەرجێک بە کەمی و لەکاتی پێویستدا بەکاربهێنرێن، بەڵام ئەگەر بە بەردەوامی و بەڕێژەیەکی زۆر بەکاربهێنرێن، لەوانەیە کاریگەری لاوەکی لەسەر جەستە جێبهێڵن وەک:

-دروستبوونی کێشەکانی جگەر و گورچیلە

-سکچوون و ڕشانەوە

-کێشەکانی دڵ

-هەستیاری

-دڵ تێکەڵهاتن

-تێکچوون و ترشەڵۆکی گەدە

-دروستبوونی دەنگ لە گوێدا

-برینی گەدە

-جەڵتەی خوێن

 

لەگەڵ ئەوەشدا، بە تێپەڕبوونی کات لەوانەیە هێورکەرەوەکان کاریگەرییان لەسەر تەندروستی کەمتر بێت بەهۆی بەکارهێنانی ڕێژەیەکی زۆر بە بەردەوامی، واتە لەکاتی ئالودەبوون لەسەری.