چەند چالاکییەکی جەستەیی بۆ بەهێزکردنی بەرگری لەش بەسوودن
چالاکی و سیستمی خۆراکی هاوسەنگ و تەندروست خاڵێکی گرنگە بۆ بەهێزبوونی بەرگریی لەش و ئەنجامدانی ئەرکەکانی ڕۆژانە، هەروەها بۆ پەتا وەرزییەکان و هەڵامەت پارێزەرە.
![](https://test.jinhaagency.com/uploads/so/articles/2023/11/20231111-pasta-salad-horizontal-jpg-1522265695-jpgeabac1-image.jpg)
ناوەندی هەواڵ
لاوازی سیستمی بەرگری لەش هۆکاری زۆرێک لە نەخۆشییەکانە بە تایبەت لە وەرزی زستان و سەرمادا وادەکات کەسەکان لە ماوەیەکی زوو زوودا تووشی هەڵامەت و پەتا ببن، بەڵام بەهێزکردنی بەرگری لەش کاقرێکی ئاسانەو پسپۆڕان هەمیشە هەنگاو و چالاکی ئاسان بۆ ئەمە دەخەنەڕوو.
سارە سەتائیر، بەڕێوبەری زانست لە دامەزراوەی خۆراک لە بەریتانیا، ئاماژەی بە پێنج رێگەی سروشتی کردووە بۆ بەهێزبوونی بەرگریی لەش و بەدوور بوون لە هەلامەت و ئەنفلۆنزا، ئەوانیش:
١. بەدەستهێنانی خەوێکی باش و گرنگیدان بە سیستمی خەوتن.
٢. کەمبوونەوەی دڵەڕاوکێ و شەکەتی و ماندوبوونی مێشک.
٣. خواردنی بڕێکی زۆر لە میوە و سەوزەی نوێ.
٤. خواردنی چەورییە تەندروستەکان وەک چەوری ئۆمێگا سێ کە لە ماسی سەلەموندا هەیە.
٥. رۆژانە بۆ ماوەی ٣٠ خولەک وەرزش کردن وەک مەلەکردن یان پایسکیل لێخوڕین و ڕاکردن.