ناوەندی هەواڵ

 

ڕێکخراوی ئاران بۆ پەرەپێدانی کولتوری دیموکراسی پێش نیوەڕۆی ئەمڕۆ لە کۆنگرەیەکی ڕۆژنامەنووسیدا ڕاپۆرتێکی تایبەتی لەسەر دەستێوەردانی حزبی لە کەرتی تەندروستی و قۆرخکاری کۆمپانیاکانی نزیک لە حزب لە پشکنینی کۆرۆنا لە فڕۆکەخانە و دەروازە سنورییەکان و ئاماری بڵاوکردەوە.

 

پارێزەری ڕێکخراوەکە لە کۆنگرەکەدا ڕاپۆرتەکەی بۆ میدیاکان ئاشکرا کرد کە ئەنجامی لێکۆڵینەوەیەکی ٦ مانگی ڕابردووە لە سنوری پارێزگای سلێمانی، هەڵەبجە و هەولێر بە شێوەی ئۆنلاین ئەنجامدراوە و ٣٩٩ کەس بەشدارییان کردووە، بەشداربووان کە خۆیان لە کەرتی تەندروستیدا کاردەکەن ئاماژەیان بەوەداوە ڕێگا نادرێت کەسانی بە ئەزموون و شارەزا لە شوێنی شیاودا دابنرێن، بەڵکوو پێگەکان بۆ کەسانی حزبییە و ئەوانەیە کە حزبیان لە پشتە.

 

 

دەربارەی پشکنینی کۆرۆنا باس لەوەدەکات کە لە خاڵە سنورییەکان و فرۆکەخانەدا پشکنینێکی دروست و زانستی ناکرێت و ئەنجامی ڕاست وەناگیرێتەوە، جگە لەوەش لە هەر جێیەک نرخی پشکنینی کۆرۆنا جیاوازە و حکومەت نەیتوانیوە نرخێکی دیاریکراو دابنێت کە کاری پێبکرێت.

 

ت.پ