ڕۆمانەکە باس لە گەشتێکی مەودا درێژ دەکات کە مرۆڤ بەدوای خەونەکانی خۆیدا دەگەڕێت، بەر چەندین ڕووداو و بەسەرهات دەبێت، بەیان سەلمان لەبارەی کتێبەکەیەوە دەڵێت: ڕمانەكە سەراپای باسكردنە لە گەشت، بەتایبەت گەشت لە دەریادا، كارەكتەری سەرەكی ڕۆمانەكە ناوی (مەرجانە) دەكرێت بپرسین، چ گەشتێکە ئەوەی مەرجان پێ هەڵدەستێت؟ چ ئامانجێکی لە پشتە؟ مەرجان خۆی بە بنەماڵەی زەندییەکان پێشکەش دەکات، لە بەسرا دەژی. لەو ساتەوەی تاقمی کەشتییەکەی بە هاوکاری زێفیر پێکهێنا، لەنگەریان لە بەسرا هەڵکێشا و دەرگاکانی گەشت بە خواستی ئازادی بەڕوویاندا واڵا بوو.

 

هەروەها دەڵێت: "دنیایەک بە رەنگی دەریا، هاوبەشی گۆڕانی دۆخی ئاسمان، لەگەڵ دەرکەوتنی ئەستێرە و بەرەوڕووبوونەوەی باوبۆران، بەڵام بە ڕەنگی خەونێکی شاراوەش، کە دەبێتە ئۆرکیسترایەک و سەرجەمی ڕووداوەکانی کەشتیەکە ڕووەوئاراستەی ئەوێ دەکات. چوونە ناو جیهانێکی سەیر و بینینی خەڵک و زمانی جیاواز و بەرکەوتنی خەون لە نزیک و دوورەوە، لە نێوان هاوڕێیەتی و وەدیهێنانی خەون سنوورێکی باریک هەیە، لەودیوی هاوڕێیەتیش نهێنی هەر یەک لە کەسایەتییە سەرەکییەکانی ڕۆمانەکە لەگەڵ گەشەی ئەو گەشتە سەیرەی مەرجان و زێفیر و هاوڕێیانیان پێی هەڵدەستن، ئاشکرا دەبێت. ئیدی چەندی ئەو نهێنیانە ڕاستن، یان داهێنراون، لە نێوان دەقی ڕۆمانەکە دەرەکەوێت".