لە دوا ڕۆژانی تووشبوونی دایکێک بە نەخۆشی شێرپەنجە، بڕیاریدا ئامۆژگاری بۆ کوڕە چوار ساڵانەکەی بنووسێت، چیرۆکێکی ڕاستەقینە کە لە درامای ئیسپانی "تێبینی بۆ کوڕەکەم" لە ساڵی ٢٠٢٠دا بەرجەستە بووە.

 

فیلمەکە لە نووسین و دەرهێنانی کارلۆس سۆرێنی ئەرجەنتینی بووە، کە تیایدا ئەکتەری ئیسپانی ڤالێریای بێرتوچیلی ڕۆڵی سەرەکی بینیوە، خەڵاتی سور لە ساڵی ٢٠٢٠ بۆ باشترین ئەکتەری بەدەستهێنا.

 

ڕووداوەکانی فیلمەکە ئیلهامیان لە چیرۆکێکی ڕاستەقینە وەرگرتووە، کە ژنێکی ئەرجەنتینی تووشی شێرپەنجەی مەمک بووە و لە ساڵی ٢٠١٥ کۆچی دوایی کردووە، ئەو ئەزموونە تاڵەکەی خۆی لەگەڵ نەخۆشییەکە لە شێوەی نامەیەکدا نووسیبووی و ئاراستەی کوڕە چوار ساڵەکەی کردبوو.

 

هاوژینەکەی نامە و تێبینیانەی لە کتێبێکدا کۆکردەوە و دوای ساڵانێک لە دوو توێی کتێبێکدا بڵاوی کردەوە، بوو بە یەکێک لە کتێبە پڕخوێندراوەکان و لەلایەن زۆرێک لە ڕەخنەگران و نووسەرانەوە جێگەی سەرسامی بووە.

 

ئەم دایکە تووشی شێرپەنجەی مەمک بووە، پڕ بوو لە خۆشی و ئومێد، سەرەڕای ئەو هەموو ئازارەی لە ئەنجامی ژەمە دەرمانە کیمیاییەکان بۆ پاراستنی ژیانی وەریدەگرت،  هەستیپێدەکرد، بە بەڵگە ئەزموون و تێبینییەکانی خۆی نووسیوە بۆ ئەوەی منداڵەکەی لەماوەی ژیانی یەکەم ڕۆژی لە قوتابخانە، لە شانزە ساڵیدا، لە کاتی دەرچوون و هەر ڕۆژێکی تر، ڕۆژێک بیری دەکات، بخوێنێتەوە، بۆ ئەوەی لە ڕێگەی تێبینییەکانیەوە لەگەڵی بێت، پشتگیری بکات تا بگاتە خەونەکانی.

 

ڕەنگە چیرۆکی فیلمەکە خەمناک و خەمۆکی دەرکەوێت، بەڵام هێز و توانای ژنێک نیشان دەدات کە بەرگەی ئازارێکی زۆری گرتووە و هەرچەندە نەیتوانی ژیانی خۆی بپارێزێت، بەڵام کۆمەڵێک وانەی پێشکەش کردووە کە دەبێت بە ڕێکوپێکی فێری ببن، تا بزانێت چۆن مامەڵە لەگەڵ ئەو بارودۆخە سەختانەدا بکات کە مرۆڤ دەتوانێت پێیدا تێپەڕێت.