کیتانجی براون جاکسۆن، لە ١٤ی ئەیلوولی ساڵی ١٩٧٠لە واشنتۆن لەدایکبووە، یاساناسێکی ئەمریکییە لە میامی ویلایەتی فلۆریدا گەورە بووە، لە زانکۆی هارڤارد بۆ کۆلێژ و خوێندنی یاسا خوێندوویەتی، لەوێ وەک سەرنووسەری پێداچوونەوەی یاسای هارڤارد کاری کردووە.

 

کیتانجی وەک دادوەری هاوبەشی دادگای باڵای ئەمریکا کاردەکات، پێش ئەوەی پلەکەی بەرز ببێتەوە بۆ دادگای تێهەڵچوونەوەی ئەمریکا بۆ بازنەی D.C، لە ساڵی ٢٠١٣ تا ٢٠٢١ وەک دادوەری ناوچەیی بۆ دادگای ناوچەیی ویلایەتە یەکگرتووەکانی ئەمریکا لە ناوچەی کۆڵۆمبیا کاری کردووە، پاشان یەکەم ژنە ڕەشپێست بوو کە کاندیدکرا بۆ دادگای باڵا، بۆ جێگرتنەوەی دادوەری خانەنشینکراوی ستیڤن جی بریێر کە جاکسۆن لە ساڵی ١٩٩٩دا کاری بۆ کرد.

 

کیتانجی براون جاکسۆنی تەمەن ٥١  ساڵ، بە چەندین شێوە مێژوو تۆمار دەکات: ئەو دەبێتە سێیەم ئەمریکی ئەفریقی لە دادگای باڵا لە مێژووی ٢٣٣ ساڵیدا، یەکەم دادوەرە لە دوای تۆرگود مارشالەوە کە ئەزموونی بەرچاوی وەک پارێزەری بەرگری تاوانکاری هەبێت و یەکەم دادوەرە بەرگریکاری گشتی پێشووی فیدراڵی بۆ ئەوەی ببێتە دادوەری دادگای باڵا.