تەوەکل کرمان لە ٧ی شوباتی ساڵی ١٩٧٩ لە یەمەن لەدایکبووە، لە ساڵی ١٩٩٩ لە زانکۆی زانست و تەکنەلۆجیای سەنعا کۆلێژی بازرگانی تەواو کردووە و دواتر بڕوانامەی ماستەری لە زانستە سیاسییەکان بەدەستهێناوە.

 

تەوەکل لە دوای تەواوکردنی خوێندن دەستی بە پیشەی ڕۆژنامەوانی و نووسینی وتار و بەرهەمهێنانی فیلمی دۆکیۆمێنتی و بڵاوکردنەوەی ئاگادارکردنەوەی هەواڵ لە ڕێگەی پەیامی دەقەوە کرد، کاتێک ڕووبەڕووی کۆت و هەڕەشەی حکومەتی یەمەن بوونەوە خۆی و ژمارەیەک لە هاوپیشەکانی لە ساڵی ٢٠٠٥دا ژنانی ڕۆژنامەنووسی بێ کۆت و زنجیریان دامەزراند بۆ داکۆکیکردن لە مافەکانی ژنان و مافە مەدەنییەکان و ئازادی ڕادەربڕین.

 

تەوەکل وەک چالاکوانی مافەکانی ژنان

لە خێزانێکی چالاکوانی سیاسی لە تاجیر لەدایکبووە، لە تەمەنی گەنجیدا خێزانەکەی چوون بۆ سەنعا کە عەبد ئەلسەلام کرمانی باوکی پارێزەر بووە، پێش ئەوەی لە ساڵی ١٩٩٤ دەستلەکاربکێشێتەوە لە شەڕی حکومەت لە دژی جیابوونەوە لە باشووری یەمەن وەک وەزیری کاروباری یاسایی خزمەتی کردووە.

 

تەوەکل لە ساڵی ٢٠٠٧دا دەستی کرد بە دانانی دانیشتنی هەفتانە لە سەنعا بۆ داواکردنی جۆرەها چاکسازی دیموکراتی ئەو چەند ساڵێک بەردەوام بوو لە ڕاهێنانەکەی و چەندین جار بە هۆی چالاکیەکانییەوە دەستگیرکرا.

 

هەرچەندە ئەندامێکی پایەبەرزی حزبی ئیهلە بوو کە پارتی ئۆپۆزسیۆنی ئیسلامی سەرەکی یەمەن بوو، بەڵام جاروبار لەگەڵ پارێزگارە ئاینییەکانی ئەو پارتەدا تێدەکۆشێتەوە بۆ نموونە لە ساڵی ٢٠١٠ دا ڕەخنەی لە ئەندامانی حزبەکەی خۆی گرت کە دژایەتی یاسادانان دەکەن بۆ بەرزکردنەوەی تەمەنی هاوسەرگیری یاسایی بۆ ژنان بۆ ١٧ساڵ.

 

لە ٢٣ی کانوونی دووەمی ساڵی ٢٠١١ وەک بزوتنەوەیەکی ناڕەزایەتی ناسراو بە بەهاری عەرەبی بەناو ڕۆژهەڵاتی ناوەڕاست و باکووری ئەفریقادا پەڕییەوە و هەندێک لە حکومەتە دێرینەکانی ناوچەکەی هەژاند، تەوەکل دوای ئەوەی لە سەنعا خۆپیشاندانێکی بچووکی دژی حکومەتەکەی عەلی عەبدوڵڵا ساڵحی سەرۆکی یەمەن بەڕێوەدەچوو، دەستگیرکرا، دەستگیرکردنەکەی خۆپیشاندانی گەورەتری لێکەوتەوە کە پەرەی بە خۆپیشاندانی جەماوەریی دژ بە ڕژێمی ساڵح دا.

 

تەوەکل ڕۆژی دواتر ئازادکرا بوو بە پێشەنگی ئەو بزووتنەوەیە و یارمەتیدا بۆ دانانی ئەو خۆپیشاندانە لە سەر زەمینەی زانکۆی سەنعا، کە هەزاران خۆپیشاندەر تێیدا دانیشتنێکیان ئەنجامدا کە بۆ ماوەی چەند مانگێک بەردەوام بوو.

 

تەوەکل لە ساڵی ٢٠١١ لە تەمەنی ٣٢ ساڵیدا خەڵاتی نۆبڵی ئاشتی وەرگرت، کە یەکێک بوو لە گەنجترین وەرگرەکانی خەڵاتەکە بەبۆنەی ڕۆڵی گرنگی لە ڕابەرایەتیکردنی بزووتنەوەیەکی پرۆدیموکراسی خۆپیشاندان و خەڵاتەکەی لەگەڵ ئیلین جۆنسۆن سیرلیف و لیما گبۆوی هاوبەشی کرد، هەروەها بە پێشەنگی هەڵمەتی بەرەنگاربوونەوەی توندوتیژی و ئازادییە دیموکراتییەکان ناسراوە و لە ساڵی ٢٠١٥ یەمەنی بەرەو تورکیا جێهێشت.