ناوەندی هەواڵ

 

فیلمی ”Capernaum” "كفرناحوم"ی نادین لاباکی بە یەکێک لە بەرهەمە دیارەکانی سینەمای جیهانی دادەنرێت و پرسەکانی مافی منداڵان، هەژاری، کۆچکردن و نایەکسانی کۆمەڵایەتی دەخاتە ناوەڕۆکی خۆیەوە، فیلمەکە لە ساڵی ٢٠١٨ بڵاوکرایەوە و چیرۆکی زین تەمەن ١٢ ساڵ دەگێڕێتەوە کە لە گەڕەکە هەژارەکانی بەیروتدا تێکۆشان دەکات بۆ ئەوەی بژی. فیلمەکە لە ڕێگەی گەشتەکەی زەین دەستپێدەکات، کە داوای یاسایی لەسەر دایک و باوکی لەخۆدەگرێت بەهۆی لەدایکبوونیەوە، فیلمەکە ڕادەی ئەو پشتگوێخستن و بەکارهێنان و هەژارییە ئاشکرا دەکات کە منداڵان ڕووبەڕووی دەبنەوە، تیشک دەخاتە سەر ڕاستی سەخت و ئازارەکانی ڕۆژانەیان، ئەوەی لە فیلمەکەدا سەرنجڕاکێشە، پشتبەستنی نادین لاباکییە بە کەسانێک کە ئەزموونی هاوشێوەی ئەو ئەزموونانەیان هەیە کە لە کارەکەدا وێنا کراون، نەک ئەکتەرە پیشەگەرەکان، ئەکتەرە سەرەکییەکە، زەین ڕافعی کە ڕۆڵی زەین دەگێڕێت، منداڵێکی سوورییە و ساڵانێکی زۆر بەبێ پێگەی یاسایی ژیاوە، وەک پەنابەرێک لەبەردەم کامێرادا دەرکەوت کە ژیانی ڕۆژانەی ئاوێنەیەکی ئەو ڕووداوانەیە کە لە فیلمەکەدا وێنا کراون.

 

فلیمی ”Capernaum” "كفرناحوم" تەنها کارەساتێکی تاکەکەسی ناگێڕێتەوە، بەڵکو ڕۆشنایی دەخاتە سەر ئەو پرسە پێکهاتەییانەی کە کاریگەرییان لەسەر ملیۆنان کەس هەیە، وەک شەڕ، ئاوارەبوونی زۆرەملێ، کاری منداڵان، پەنابەری و ژیان لە دەرەوەی هەر چوارچێوەیەکی یاسایی، فیلمەکە ڕێبازێک پێشکەش دەکات کە نە هەژاری ڕۆمانسی دەکات و نە جوانی دەکات، بەڵکو پرسیاری بنەڕەتی لەبارەی مافی ژیانی منداڵان و کەرامەتی مرۆڤەوە وەک پێوەرێک بۆ بڕیاردان لەسەر ڕاستیدا دەوروژێنێت.

 

فلمی ”Capernaum” "كفرناحوم"بە گرنگیدان بە مافەکانی مرۆڤ و مافەکانی منداڵان و دادپەروەری کۆمەڵایەتی، نەک تەنها بەهۆی دەستکەوتە سینەماییەکانی بەڵکو بەهۆی توانای هێنانی چیرۆکی ملیۆنان منداڵی نەبینراو بۆ پێشەنگی سەرنجی جیهانی، فیلمەکە بانگهێشتی بینەران دەکات بۆ ئەوەی بە پرسیارە توندەکانی بوونگەراییدا بچنەوە، دیارترینیان: بۆچی منداڵێک نەیەوێت لەدایک بێت؟ بانگەوازێکە بۆ بیرکردنەوە لە ڕەگ و ڕیشەی هەژاری و شەڕ و نایەکسانی کە ئەم ئازارە دروست دەکەن.

 

فیلمی ”Capernaum” "كفرناحوم" لە دەرهێنانی نادین لاباکی لە فێستیڤاڵی فیلمی کان ٢٠١٨ خەڵاتی دەستەی سوێندخواردنی بەدەستهێنا و لە ٩١ەمین خەڵاتی ئۆسکاردا پاڵێوراو بوو بۆ خەڵاتی ئۆسکار بۆ باشترین فیلمی زمانی بیانی، ئەم بەرهەمە ژمارەیەکی زۆر خەڵاتی جیهانی بەدەستهێناوە، هەروەها لەلایەن ڕەخنەگرانەوە وەک یەکێک لە کاریگەرترین دراما کۆمەڵایەتییەکانی ساڵانی ڕابردوو ڕیزبەندکراوە.