ڕۆنیدا حاجی

 

حەسەکە-دەوڵەتی تورکیا کە دوو ڕۆژە بە فڕۆکەی بێفڕۆکەوان و فڕۆکەی جەنگی هێرش دەکاتە سەر باکوور و ڕۆژهەڵاتی سووریا، لە نیوەشەودا بە فڕۆکەی جەنگی هێرشی کردە سەر ناوچەکە، لەو هێرشانەدا ژێرخانی ناوچەکە کرانە ئامانج، بەگوێرەی دوایین بەیاننامەی هێزەکانی ئاسایشی ناوخۆ، ٥ هاوڵاتی و ٦ ئەندامی هێزەکە لە هێرشەکانی دەوڵەتی تورکیا بۆ سەر باکوور و ڕۆژهەڵاتی سووریا کوژراون، جیهان خەلیل، ڕاوێژکاری خۆبەڕێوەبەری باکوور و ڕۆژهەڵاتی سووریا سەبارەت بە تەواوی هێرشەکان بۆ سەر ناوچەکە و سیاسەتەکانی دەوڵەتی تورکیا هەڵسەنگاندنی کرد.

 

"ژێرخانی ئابوری هەرێم بە ئامانج گیراوە"

جیهان خەلیل لە سەرەتادا هێرشەکانی دەوڵەتی تورکیای بۆ سەر باکوور و ڕۆژهەڵاتی سووریا بەم شێوەیە هەڵسەنگاند و وتی: داگیرکاری تورکیا جارێکی دیکە گواستراوەتەوە بۆ ناوچەکەمان، بەتایبەتی لە ناوچەی جزیرەوە بۆ کۆبانی. هەموو ناوچەکەمان و ئەو ژێرخانەی کە خزمەتی خەڵکی دەکرد بە توندی کرانە ئامانجی هێرشەکان، ئەو هێرشانە شەرمەزار دەکەین، هیوای چاکبوونەوە بۆ برینداران دەخوازین، ئەو کەسانەی کە شەهید بوون بەبیریان دەهێنیەوەو هاوخەمی خۆمان بۆ بنەماڵەکانیان دەردەبڕین، ئەم هێرشە بۆ سەر خەڵکی مەدەنیمان و ئەو ژێرخانەی کە خزمەت بە خەڵک دەکات، ئامانجی سەرەکی دەوڵەتی تورکە بۆ کۆچکردنی گەلەکەمان.

 

"دەیانەوێت گەلی کورد لە سەدەی ٢١دا قڕبکەن"

جیهان خەلیل ڕایگەیاند، ئامانجی دەوڵەتی تورکیا ئەنجامدانی قڕکردنی کوردەکان بوو لە سەدەی ٢١دا وتی: هێرشیان کردە سەر گەلەکەمان، بۆ دروستکردنی ترس و شکاندنی ئیرادە، هێرشەکە هێشتا بەردەوامە، هێرشەکە بەشێکی پەیوەندی بەو کردەوەیەوە هەیە کە لە ئەنقەرە ڕوویدا و هێرشیکردە سەر ناوچەکەمان، بەڵام لە بنەڕەتدا سیاسەتێکی تایبەت لە دژی گەلەکەمان جێبەجێ دەکرێت، ئەوان بڕیاری شکاندنی ئیرادەی خەڵکی ناوچەکەیان داوە لە کەسایەتی گەلی کورددا، ئەوان لە سەدەی ٢١دا بڕیاری قڕکردنی کوردیان داوە،  دەیانەوێت هەموو خەڵکی ناوچەکە لێرە چۆڵ بکەن و دیموگرافیای ناوچەکە بگۆڕن، دەیانەوێت ڕۆژێکی جیاواز بنیاد بنێن.

 

"گەل لە دژی هێرشەکان هەڵوێستیان هەیە"

جیهان خەلیل تیشکی سەر هێرشەکەی دەوڵەتی تورکیا لە ١٩ی تشرینی دووەمی ٢٠٢٢ کە تیایدا ژێرخانی باکوور و ڕۆژهەڵاتی سووریا جارێکی دیکە کرایە ئامانج و وتی: لە ساڵی ٢٠٢٢، ژێرخانی ناوچەکەمان جارێکی دیکە بووە ئامانجی دەوڵەتی تورکیا، لەو هێرشەدا، خەڵکەکەمان ماڵەکانیان بەجێنەهێشت، بە پێچەوانەی ئەوەوە، گەلەکەمان خاوەنی خۆبەڕێوەبەری و بەهاکانی شۆڕش بوون، دەبینین کە لەسەر ئاستی باکوور و ڕۆژهەڵاتی سووریا خەڵک ڕژانە سەر شەقامەکان و ئیدانەی هێرشەکەیان کرد، هەڵوێستی ئەو خەڵکەیە کە بە دەوڵەتی تورکیایان وتووە نەیەنە ناوچەکەمانەوە.

 

"ئاستی تێکۆشان بەرز بکەنەوە"

جیهان خەلیل وتی: دەوڵەتی تورکیا هانی وڵاتانی نێودەوڵەتی دەدات، ئەگەر دەوڵەتە نێودەوڵەتییەکان ڕێگە نەدەن دەوڵەتی تورکیا هێرش بکاتە سەر هەرێمەکانمان، پێویستە هێزە نێودەوڵەتییەکان و هاوپەیمانان ڕۆڵێکی چالاک بگێڕن، واتە لێدوانە شەرمەزارکەرەکەیان و بێدەنگییان داگیرکاری تورکیا بەهێزتر دەکات، بۆیە ئەم هێرشە جیاوازە و خەڵکی مەدەنی کردووەتە ئامانج و ئەو کەسانە دەکاتە ئامانج کە هیچ پەیوەندییەکیان بەو هێرشەوە نییە، هەروەها ژێرخانی خزمەتگوزاری کۆمەڵگە ئامانجی هێرشەکان بوو، وەک خۆبەڕێوەبەری و پێشەنگی ئەم کۆمەڵگەیە، ئاستی خەبات بەرز دەکەینەوە.

 

"سەرکەوتوو دەبین"

جیهان خەلیل ڕایگەیاند داگیرکاری تورکیا شکستیهێناوە و ڕووبەڕووی قەیرانێکی زۆر قووڵ بووەتەوە، بۆیە بەرەو باکوور و ڕۆژهەڵاتی سووریا دەڕوات و وتی: بۆ ماوەی ٥٠ ساڵە خەباتی گەلی کورد دژی تورکیا بەردەوامە، پێشتر دەوڵەتی تورکیا وتی چەند کەسێک تێکدەشکێن، بەڵام ئەمڕۆ هەزاران و ملیۆنان کەس لە دژی داگیرکاری تورکیا خەبات دەکەن کە دەوڵەتی تورک قبوڵی ناکات، ئەمە دوایین ساڵەکانی دەوڵەتی تورکیایە، بە خەباتی خۆمان گەیشتووین بەو ئاستە و بە خەباتی خۆمان سەرکەوتوو دەبین، بەتایبەتی بە هێزی ژنان.