ڕۆناهی نودا

 

قامیشلۆ- قەیران و تەنگژەکانی سەرانسەری جیهان کاریگەری لەسەر مرۆڤایەتی هەیە، لەگەڵ ئەوەشدا بە شەڕی ئۆکرانیا و ڕووسیا جەنگی جیهانیی سێیەم چووە قۆناغێکی نوێوە و وڵاتانی ئەوروپا و وەک ناوەندیش ڕۆژهەڵاتی ناوەڕاستی گرتووەتەوە، جەنگی جیهانیی سێیەم بە سیاسەتی گۆڕینی دیمۆگرافییا بەڕێوەدەبرێت، لە بەرامبەردا بەرگرییەکی بێهاوتا هەیە بەتایبەت لە کوردستان، نمونەی ئەوەش بەرخۆدانی باکوور و ڕۆژهەڵاتی سووریایە کە سیستەمی نەتەوەیی دیموکراتیک بەڕێوەی دەبات. هاوکات هێندەی بەرخۆدان و پێشەنگایەتی بۆ گەلانی ڕۆژهەڵاتی ناوەڕاست، هێرش بۆسەر هەرێمەکان نەوەستاوە.

 

بەم دواییانە دەوڵەتی تورک هەڕەشە لە باکوور و ڕۆژهەڵاتی سوریا دەکات، ئەنجومەنی سەربازی هێزەکانی سوریای دیموکرات-قەسەدە کۆبوونەوەیەکی بەپەلەی ڕێکخست بۆ گفتوگۆکردن لەسەر پێشهاتەکانی ئەم دواییەی باکوور و ڕۆژهەڵاتی سوریا و دۆخی دوای هەڕەشە داگیرکارییەکان، هەروەها قەسەدە لەگەڵ ئەنجومەنی سوریای دیموکراتیک-مەسەدە و بەڕێوبەرایەتی خۆسەر کۆبوونەوەی کرد.

 

نەورۆز ئەحمەد، ئەندامی فەرماندەیی گشتیی قەسەدە ئاماژەی بەوەدا لە دوای بەهاری عەرەبییەوە شەرێکی قورس دەستیپێکرد و لە جیهاندا بڵاوبووەوە، لەناو هێزە جیهانییەکانیشدا ناکۆکییەکان زیاد دەکات و خواستی دەسەڵات زیاتردەبێت و کێشەکان لە بنەڕەتەوە چارەسەر ناکرێت، " هەرچەندە ئەم هێزانە دەیانویست ئەم شەڕە لە ناوچەیەکی تەسکدا سنوردار بکەن، بەڵام قورسە چونکە شەڕەکان لێک جیاناکرێتەوە و قەیران و جەنگەکە گرێدراوە بە جیهانەوە، ئەو کۆچەی کە ڕوودەدات گۆڕینی دۆخی هەموو جیهانە، کێشەی ئابوری کێشەی سەرەکی جیهانە و قەیرانی ئابوری شەڕی قوڵتر کردووەتەوە.

 

پێویستە چۆن هێرش و هەڕەشەکانی سەر باکوور و رۆژهەڵاتی سوریا خوێندنەوەی بۆ بکرێت؟

نەورۆز ئەحمەد دەڵێت: دەوڵەتی تورک دەیەوێت لە چوارچێوەی بەرژەوەندییە قووڵ و خەونە درێژخایەنەکانیدا سود لە دۆخی ئێستا وەربگرێت و ئەو کەلێنەی کە هەیە بیقۆزێتەوە، سود لەوەش وەردەگرێت کە ئەندامی ناتۆیە و بوونی خۆی لە ناوچەکەدا فراوانتر دەکات، دەشیەوێت لەگەڵ لایەنەکاندا لەسەر خەڵکی باکوور و ڕۆژهەڵاتی سووریا بازاڕ بکات و بەرژەوەندییەکانی خۆی بخاتەپێش، دەیەوێت ئەو ناوچانەی ئێمەی تێداین، لە ڕەقە، حەلەب و موسڵ و باشووری کوردستان داگیربکات، دەوڵەتی تورک وەرەقەکانی و هێزەکانی ناوچەکە بەکاردەهێنێت، ئەوەی بەکاریدەهێنێت لەگەڵ ستانداردی ئەخلاقیدا نییە، لەگەڵ ئەوەی ناوچەکەمان ناپارێزن، بەناوی کۆچبەرەوە دەیانەوێت خەڵکی دیکە لە ناوچەکەدا نیشتەجێ بکەن و خەڵکی ناوچەکەش کۆچ پێبکەن و خاکەکەیان بەجێبهێڵن.

 

بە چاوی خۆمان بینیمان، ئەو شوێنانەی دەوڵەتی تورک داگیری کردووە وەک عەفرین، سەرێکانی، باب و ئیدلب لە چ دۆخێکدان و چییان لێکراوە، ئەوانە چەتەن و شوێنە داگیرکراوەکان بوونەتە ناوەندی گروپە چەتەکان، چەتەکان دەوڵەتی تورک وەک وڵاتەکەیان ناودەهێنن و ڕوو لە دەوڵەتی تورک دەکەن و لە ناوچەکەدا بڵاوبوونەتەوە، بۆ ئەوان ئەگەر گەل کۆچبەریش ببێت کێشە نییە، لە هەموو سوریاوە خەڵک ڕوو لە باکوور و ڕۆژهەڵاتی سوریا دەکەن، ئەگەر شەڕ لەم ناوچەیەدا هەڵبگیرسێت دۆخێکی مەترسیدار سەرهەڵدەدات، ئەو جەنگە زۆر گەورە و قورس دەبێت، ئەم شەڕە بە سوریا سنوردار نابێت و کاریگەری لەسەر هەموو سوریا و تورکیا و زلهێزەکانی جیهان و عێراق دەبێت.

 

بەشی یەکەمی چاوپێکەوتن:

 

بەشی دووەمی چاوپێکەوتن: 

 

بەشی سێیەمی چاوپێکەوتن: