ناوەندی هەواڵ

 

لە کێڵگەیەکی باراناویدا لە ناوەندێکی مەشقی سەربازیدا، دەیان سەربازی وەرگیراوی سوپای ئۆکرانیا ڕیزکراون و دەمانچەکانیان لە شوێنی خۆیاندا ئاماژەیان پێکراوە بۆ پێکانی نیشانەکان، ئەوان مەشقی پێکهێنان دەکەن لەسەر چۆنیەتی هێرشکردنە سەر پێگەیەکی دوژمن.

 

 ئەو پۆلیسەی مەشق و ڕاهێنانە سەربازییەکان ئەنجامدەدات و هاوار دەکات بە فەرمانەکان، دیانای تەمەن ٢٣ ساڵە، کە ئەو ژنە شەش مانگ پێش ئەوەی ڕووسیا لە ٢٤ی شوباتدا لەشکرکێشی تەواو بۆ ئۆکرانیا دەستپێبکات، پەیوەندی بە هێزی سەربازییەوە کردووە.

 

دیانا باسی لەوە کردووە کە پێی وا نەبووە ڕۆژێک پەیوەندی بە هێزی سەربازییەوە بکات و وەک هەموو کەسێکی دیکە تەنیا ویستی ژیانێکی خۆشی هەبووە کە کار بکات بۆ ئەوەی بتوانێت سەفەر بکات و جیهان ببینێت.

 

 لە کاتێکدا تانکەکانی ڕووسیا لە ڕۆژانی سەرەتای جەنگەکەدا بەرەو کیێڤ دەڕۆیشتن، برایەکی دیانا ناوی خۆی تۆمار کردووە بۆ شەڕکردن دژی هێزە داگیرکەرەکان، هەروەها دیانا بڕیاریدا پەیوەندی بەو هێزەوە بکات و داوای کرد بگوازرێتەوە بۆ فرقەیەکی شەڕکەری سوپای ئۆکرانیا چونکە دیانا پێی وایە لە کاتێکدا وڵاتەکەی لە ژێر هەڕەشە و مەترسیدایە ئەرکی هەموو لایەکە هەوڵی پاراستنی بدەن.

 

لە دوای هێرشەکانی ڕووسیا بۆ سەر ئۆکرانیا، ژمارەی ئەو ژنانەی کە خۆبەخشانە پەیوەندییان بە سوپای ئۆکرانیا کردووە، زیادی کردووە، بەپێی وتەی بەرپرسانی سەربازی ئۆکرانیا، نزیکەی ٥٠ هەزار ژن لە هێزە چەکدارەکانی ئۆکرانیادا لە ڕۆڵی شەڕ و ناجەنگدا خزمەت دەکەن، لەو ژمارەیەش لە ئێستادا نزیکەی ١٠ هەزاریان لە هێڵەکانی پێشەوەی جەنگدان یان لە کارێکدان کە دەتوانن بیاننێرن بۆ هێڵەکانی پێشەوە، پێش هێرشەکانی ڕووسیا نزیکەی ٣٢ هەزار ژن لە سەربازیدا بوون.

 

خزمەتکردنی سەربازی لە ئۆکرانیا بۆ ژنان خۆبەخشانەیە، بەڵام حکومەت بیر لەوە دەکاتەوە کە بیکاتە ئیجباری بۆ ئەو ژنانەی کە هەندێک کارامەیییان هەیە، ئۆکرانیا داوای لە ژنان کردووە کە بەشداری هێزە سەربازییەکان بکەن بۆ زیاتر کردنی ژمارەی سەربازەکانی وڵاتەکەی و ژنانیش ئارەزوومەندانە بەشداری دەکەن.

 

ئۆکرانیا هیچ نهێنییەکی نەخستووەتەڕوو کە چۆن پێویستی بە سەربازی زیاترە بۆ شەڕێکی درێژخایەن لە دژی ڕووسیا کە هێزی مرۆیی زیاتری هەبێت، بەپێی ئامارەکانی دامەزراوەی نێودەوڵەتی بۆ لێکۆڵینەوە ستراتیژییەکان، تا ساڵی ٢٠٢١، سوپای ئۆکرانیا ١٩٦ هەزار و ٦٠٠ سەربازی هەبووە، کە دووەم گەورەترین سەربازییە لە ناوچەکەدا، بەڵام بەهۆی ٩٠٠ هەزار سەربازی ڕووسیاوە کەمتر بووەتەوە.