ناوەندی هەواڵ

 

د.شایان عەسکەری ئەندامی فراکسیۆنی گۆڕان لە پەرلەمانی کوردستان پەیامێک ئاڕاستەی د.بەرهەم ساڵح سەرۆک کۆماری عێراق دەکات و پێی دەڵێت: " ئەمڕۆ لە دادگا بینیمان کە دەستگیرکراوانی بادینان تەنھا یەک تۆمەتیان لەسەرە، ئەویش ئەوەیە کە کاندید و ئەندامی ھاوپەیمانی نیشتمانی بوون،  تکایە راستەوخۆ وەرە سەرھێڵ، سەردانی کەسوکاری دەسگیرکراوان بکە و دڵیان بدەرەوە، سەردانی دەستگیرکراوان و سزادراوان بکە.

 

پڕۆسەی دادگاییکردنی ئەو چوار چالاکوانەی بادینان کە بڕیاربوو ئەمڕۆ بکرێت، بە وتەی پارێزەرانی خۆبەخسی کەیسەکە، "بەهۆی ئەوەی پەڕاوی تۆمەتبارکردنەکە زۆر بوەو پێشوتریش دادوەر دوو دۆسیەی دیکەی بینیوە" پڕۆسەی دادگاییکردنەکە دواخرا.