درێژ كردنەوەی پەرلەمان
پەیمان عیزەدین – پارێزەر
![](https://test.jinhaagency.com/uploads/so/articles/2023/05/20230531-20221015-01153-mts-00-03-06-18-still001-jpgd79527-image-jpgd9ffd9-image.jpg)
بە نادەستوری دانان و نایاسایی بونی درێژکردنەوەی پەرلەمانی کوردستان کە دەکاتە نادەستوریی بونی دواخستنی هەڵبژاردن ، هەر حیزبێک لێی سودمەند بێ گرنگ نیە چونکە لە سەرەکیترین لێکەوتەکانی ئەوبڕیارە کۆمەڵێک سود و قازانجی سیاسی گەورەن وەک :
١-کۆتاییهێنان بە عورفی دواخستنی هەڵبژاردن لەهەرێمدا .
٢-کۆتایهێنان بە بێڕێزیکردن بە دەنگدەر و گوێنەدان بەو ماوەیەی کە دەنگدەر و حیزبی سیاسی لە گرێبەستێکی سیاسیدا کۆدەکاتەوە .
٣-هەر حیزبێک لەم هەڵبژاردنە یان هەڵبژاردنەکانی داهاتوو براوە بن تەنانەت بە ساختەکردنیشەوە ، گۆڕانکاری ڕیشەیی بەسەر ڕوداو و هەڵسوکەوتە ئیداری و سیاسیەکانی دوای هەڵبژاردندا دێ.
گریمان لەهەڵبژاردنی داهاتوش هەر پارتی براوەیە ، ئەوەی بۆ خەڵک گرنگە ئەوەیە کەبۆ ئێستا و دوا چاودێرێکی دەستوریی هەیە ، چاودێرێک کە ئاسان ئەتوانرێ پەنای بۆببرێ لە یاسا نادەستوریەکاندا. ئەوەی بۆ حیزبە براوە و نەیارەکانیش گرنگە بەهەمان خێرایی پێشوو بۆ پێشێلکاری یاسا ناتوانن بڕۆن. لە ئەنجامدا زۆرینەی گۆڕانکاریەکان هەروا بە کاوەخۆ و لێنەبڕانەوە ڕودەدەن.
ئەم بڕیارەی دادگای فیدراڵ زۆر گرنگ بوو، هەموو ئەوانەی ڕێگای سکاڵا و یاسایان گرتەبەر بۆ هەڵوەشاندنەوەی عورفێکی سیاسی نادیموکراسی لەهەرێمی کوردستاندا جێی دەستخۆشین .