مەدینە مەمەد ئۆغڵۆ

ئامەد -  ژنانی دانیشتووی ناوچەی باغچیلاری ئامەد لە خولێکی سەر بە سەنتەری پەروەردەی گشتی کار دەکەن و ئازادن لە ڕووی ئابوورییەوە، ئەو خولە کە ماوەی ساڵێکە کراوەیە، ئەو ژنانە لە بەیانیەوە تا شەو دەرگا دادەخەن و بە شێوەیەکی زۆر باش کارەکانیان ئەنجام دەدەن، ئەو ژنانە کە لە کارەکەیان ڕازین دەڵێن: " ژینگەی کارکردن لە بواری دارایی و مەعنەوییەوە بۆ ئەوان زۆر باشە".

 

"ئەوە جێی خۆشحاڵیە کە ئەم کارە ئەنجام بدەیت"

سۆنای یەڵدز ئاماژەی بەوەدا کە هەرچەندە کارێکی قورسە، بەڵام لە ماوەی دوو مانگدا بە دەستهەڵدانی خۆی فێری ئاڵۆزییەکانی کارەکە بووە وتی: "دوو مانگ دوای کردنەوەی دەستم کرد بە کارکردن لێرە، کاتێک هاتمە ئێرە، سەرەتا نیگەران بووم، بەڵام دوای ماوەیەک کارکردنم بە هاوکاری مامۆستاکانم و ئەو ژنانەی کە لێرە بازرگانیان دەزانی فێر بووم، من بەڕاستی چێژم لە کارەکە وەرگرت، بۆیە زۆری نەبرد بۆ زانین، ئێمە لێرە کار دەکەین و هونەر دروست دەکەین".

 

"ژنان ئەگەر بیانەوێت دەتوانن هەر کارێک بکەن"

سۆنای یەڵدز بە وتنی "کە بەرهەمدێنیت هەست بە باشی دەکەیت"، خۆشەویستی خۆی بۆ کارەکەی دەردەبڕێت، جەخت لەوە دەکاتەوە کە پێویستە هەموو ئەو ژنانەی دەیانەوێت بەرهەم بهێنن با کار بکەن، دەشڵێت: "هیچ کارێک نییە کە ژنان نەتوانن ئەو کارە بکەن کە دەیانەوێت ئەنجامی بدەن و هەندێک جار کاتێک هاوڕێکانم کارەکانم دەبینن، دەپرسن تۆ ئەم کارەت کردووە و سەریان سوڕماوە ئێمە چەند ڕۆژێک دەخایەنێت بۆ دروستکردنی فەرشێک، بەڵام هەرگیز بێزار نابین، چونکە بە ئارەزوو و دیسپلینێکی زۆرەوە ئەنجامی دەدەین هیچ شتێک لەوە باشتر نیە کە شتێک ئەنجام بدەیت، من دەمەوێت هەموو ژنان کاربکەن، ژنان ئەگەر بیانەوێت دەتوانن هەر کارێک بکەن و پارەی خۆیان پەیدا بکەن".