"ژنەکان هەر پەنجەیەکیان ڕەنگێکی لێ دەڕژێت"
پێشانگەیەکی شێوەکاری بەناوی "ژنەکان هەر پەنجەیەکیان ڕەنگێکی لێ دەڕژێت" لە هەڵەبجە بۆ ١٣ ژن کرایەوەو دوو ڕۆژ بەردەوام دەبێت.
![](https://test.jinhaagency.com/uploads/so/articles/2024/05/20240518-00000-00-00-27-08-still221-jpgb028a4-image.jpg)
هەڵەبجە
سەر لە بەیانی ئەمڕۆ ١٦ی ئایار، لە پارێزگای هەڵەبجە بەشی شێوەکاری بەڕێوەبەرایەتی ڕۆشنبیری و هونەری هەڵەبجە پێشانگەیەکی شێوەکاری بە ناوی "ژنەکان هەر پەنجەیەکیان ڕەنگێکی لێ دەڕژێت" بۆ ١٣ ژنی شێوەکار کردەوەو بۆ ماوەی دوو رۆژ بەردەوام دەبێت و وابڕیارە بکریتە نەریتیکی سالانەو لەچەند شارو شارۆچکەیەکی کوردستان نمایش بکریت.
لە پێشانگەکەدا ٢٦ تابلۆ بە هەست و پیناسەی ژنان نەخشینرا بوون و لەو بارەیەوە سۆزیار مەحمود، دەرچووی پەیمانگای هونەرە جوانەکان و مامۆست بە کۆمەڵێک تابلۆ بەشداربووە و وتی: کردنەوەی ئەم جۆرە پێشانگانە بۆ ئیمە زۆر باشە بۆ کڕین و فرۆشتن، هەروەها تابلۆو وینەکیشەکان و نەبووە بە باو بەڵام لەم پێشانگەیانەدا ئەتوانین کارەکانمان بسازینێن و بە بینەریان بناسێنین.
سۆلین سەردار، هونەرمەند وتی: دەرچوی پەیمانگای هونەرە جوانەکانم ، ئێستا مامۆستام و لەپال پیشەی مامۆستایەتیما خەریکی بەهرەی خۆمم، ئەم پێشانگەیانە بۆ ئیمە زۆر گرنگن چونکە بەردەوام خەریکی کار کردنین و توانای خۆمان لە پێشانگەکان پیشان دەدەین، بینیەریش بە بە حەزو ئارەزوەوە سەیری کارەکانمان دەکەن.
سەبارەت بەوەی تاچەن ژن بوون لە تابلۆکاندا ڕەنگ دەداتەوە سۆلین سەردار وتی: هەرچەندە تابلۆکانی من لە سروشتەوە نزیکن بەلام توانیومە چەندین ڕەنگی جیاواز بەکاربهێنم.