ناوەندی هەواڵ

 

ژنانی گەنجی تێکۆشەر بە دروشمی "هيڵی تيکۆشان، بە پێنوسی ژنان دەنووسینەوە" یەکەمین پێشبڕکێی وێژەیی لە شارۆچکەی کەلاری ناوەندی ئیدارەی گەرمیان بۆ ژنانی گەنج دەستپێدەکات.

پێشبڕکێکە وتار، هەڵبەست و چیرۆک لەخۆدەگرێت و یەکەمین پێشبڕکێیە بۆ بەبیرهێنانەوەی ئەو ژنانەی لە کاتی ئەنفال بەدەستی ڕژێمی بەعس ڕفێندراون و تا ئێستا چارەنووسیان نادیارە.

 

خۆتۆمارکردن بۆ بەشداریکردن لە پێشبڕکێکە ئەمڕۆ ٩ی ئادار دەستپێدەکات و ژنانی گەنج کە تەمەنیان لە نێوان ١٥-٣٥ ساڵدایە مافی بەشدارییان هەیە، تا ١ی نیسان بواری خۆتۆمارکردن کراوەیە، لە ٢ی نیساندا مەراسیمی خەڵاتکردنی باشترین بەرهەمە بەشداربووەکان لە شارۆچکەی کەلار بەڕێوەدەچێت.

مەرجەکانی بەشداربوون ئەوەیە بابەتە وێژەییەکان لە چوارچێوەی ژن و تێکۆشاندا بێت، کەسی بەشداربوو لەگەڵ بەرهەمەکەیدا کورتەیەک لە ژیانی خۆی بۆ کۆمیتەی ئامادەکار بنێرێت.

 

بۆ پەیوەندیکردن لەم ڕێگەیەوە دەبێت:

ئیمەیل: : [email protected]

فەیسبووک: ژنانی گەنجی تيکۆشەر

تێلێگرام: ٠٧٧٣٤٥٨٧٦٣٦

واتساپ: ٠٧٧٣٤٥٨٧٦٣٦

 

ت.پ