شیرین محەمەد

 

قامیشلۆ-کۆمەڵەی فیلمی ڕۆژئاوا تاقیکردنەوەیەکی پێشەنگانەیە لە بواری سینەمای کوردی لە باکوور و ڕۆژهەڵاتی سوریا، لە ساڵی ٢٠١٥ەوە، لەگەڵ دەستپێکردنی شۆڕش، بە ڕۆحی بەرخۆدان و خەبات لەگەڵ پێشەنگایەتی شۆڕش، ئەو کار دەکات بۆ پەرەپێدانی سینەمای کوردی.

 

سەرەڕای ئەو زەحمەتی و بارودۆخەی کە ناوچەکانی باکوور و ڕۆژهەڵاتی سوریا تێیدا تێدەپەڕن، سینەمای کوردی لە چوارچێوەی بەرخۆدان و خەباتدا گەشە دەکات بۆ تەواوکردنی شۆڕش و بوون بە بەشێک لەو شۆڕشە و بە بەڵگەنامەکردنی خەباتی کۆمەڵگە و ئەوەی لە ڕێگەی زنجیرە و دۆکیومێنتاری و کورتە فیلمەوە بەسەریدا تێپەڕیوە و کۆمەڵەی فیلمی ڕۆژئاوا ڕۆڵێکی سەرەکی گێڕاوە لە دامەزراندن و گەشەپێدانی سینەمای کوردی، چونکە یەکەم دامەزراوەی فیلمە لە ڕۆژئاوا کە چیرۆکەکانی شۆڕش لەخۆدەگرێت.

 

زۆرینەی ئەندامی کۆمەڵەی فیلمی ڕۆژئاوا ژنن

چیا هیجران چیچەک، ئەندامی کۆمەڵەی فیلمی ڕۆژئاوا وتی: کۆمێن ڕۆژاڤا لە ساڵی ٢٠١٥ دامەزراوە بە ئەگەرێکی سادەوە لە نێوان چەندین ئاستەنگی ڕووبەڕووبوونەوەی ناوچەکە و زەحمەتی هێنانی ئەندامانی بۆ سینەما و خەڵکی پسپۆڕ بۆ ئەوەی یارمەتی بدەن لە هەندێک لەو شتانەی پێویستمانە.

 

سەبارەت بە ڕۆڵی ژنان لە دامەزراندن و گەشەپێدانی سینەمادا، وتی: ژنان کاریگەرییان هەبوو لە دامەزراندنی کۆمەڵەکە، چونکە زۆرینەی ئەندامەکان ژن بوون، ئێمە توانیمان بگەینە ئاستێکی بەرچاو،  تیشکمان خستە سەر ناساندنی کۆمەڵگە بۆ سینەما و خۆمان ڕێکخست بۆ بونیادنانی بناغەیەکی بەهێز بۆ سینەما لە ڕۆژئاوا، لە ماوەی ٨ ساڵدا توانیمان چەندین زنجیرە و کورتە فیلم و دۆکیومێنتاری وێنە بگیرین، هەرچەندە ئێمە درەنگ دەستمان کرد بە کارکردن و لە بوارێکدا کە ڕۆڵێکی بەرچاوی نەبوو، بەڵام توانیمان کار لەسەر زنجیرە و فیلمە ئاست بەرزەکان بکەین و کۆمەڵگەش پشتیوانی کردین بەپێی تواناکانی.

 

"پێش شۆڕش کۆمەڵگە لە کولتووری خۆی دوور دەخرایەوە"

چیا هیجران چیچەک ئاماژەی بەوەشکرد ناوچەکە زۆر دوور بوو لە بواری فیلمەوە، بۆیە زەحمەت بوو کۆمەڵگە بە سینەما بناسێنیت و وتی: پێش شۆڕشی ڕۆژئاوا، حکومەت فشاری دەخستە سەر کۆمەڵگە و ئەوەندەی لە توانادا بوو هەوڵی دەدا بۆ ئەوەی لە کولتوور و نەریتەکانی خۆی دوور بکەوێتەوە، هەروەها سیاسەتی ئاساییکردنەوەی پەیڕەو کرد بە بێبەشکردنی لە زمانەکەی و سەپاندنی یەک زمان بەسەر هەموو پێکهاتەکاندا، بۆیە ئەمڕۆ ئێمە ئەوە دەبینین کە هەنگاوێکی گەورەمان ناوە، کۆمەڵگە بووەتە بەشێک لە بواری نواندن بە زمانی دایکی و بەگوێرەی ئەوەی لە ڕاستیدا ڕوودەدات، بەبێ ئەوەی ڕۆڵی هیچ کەسێک پەراوێز بخات یان هیچ ڕاستییەک بشارێتەوە.

 

ئاماژەی بەوەشکرد، سەرەڕای ئەو هێرش و کردارە هەڕەمەکییانەی کە تورکیا دەیکات، بەردەوام بوون لە کارەکانیان و بۆ ماوەی یەک ڕۆژ لە وێنەگرتن نەوەستان، وتی: سەرەڕای هەموو سەختی و هێرشەکان، ئێمە لە وێنەگرتنی فیلمەکانمان و دۆکیومێنتکردنی شۆڕشەکەمان نەوەستاوین، لە دوایین زنجیرەدا کە وێنەمان گرتووە، فڕۆکە داگیرکەرەکانی تورکیا لە ئاسمانی ناوچەکەماندا نەوەستاون و دوو بژاردەمان لەبەردەمدا داناوە، یان بۆ بەردەوامبوون لە کارەکانمان یان شەهیدبوون.

 

وتیشی: سینەما بە شۆڕش دەزانین، چونکە لاسایی ڕاستییەکان دەکاتەوە تەنانەت لە بچووکترین وردەکاری و سیناریۆ ڕاستەقینەکانی ناو کۆمەڵگە، کامێرا تاکە چەکی ئێمە بوو، شۆڕش ڕۆڵێکی گەورەی هەبووە لە گەشەپێدانی کارەکانماندا و ژنان ڕۆڵێکی گرنگیان گێڕاوە لە پێشکەوتنی کۆمەڵگە و پەرەسەندنی سینەمادا، وەک دەبینین کە ئەمڕۆ ژنان دەرهێنەرو ئەکتەرو نووسەرن.

 

فیلمەکان لە چەندین فێستیڤاڵی نێودەوڵەتی نمایش کراون

سەبارەت بەو فیلمانەی کە وێنەیان گرتووە، چیا هیجران چیچەک ڕوونیکردەوە کە ئەوان چەندین فیلم و زنجیرەیان وێنە گرتووە، لەوانە "أفينا كرد"، "مقاومة سور"، "بربو"، "تافا صور"، فيلم "مقاومة كوباني"، "كافا شتل مزن دبي" ، ئەم فیلمانە کاریگەرییان لەسەر جیهان هەبووە و لە چەندین فیستیڤاڵی نێودەوڵەتیشدا نمایشکران.

 

لە کۆتایی قسەکانیدا چیا هیجران چیچەک ڕوونیکردەوە هەوڵ دەدەن ئەکادیمیای فەرمی بکەنەوە بۆ پەرەپێدانی سینەمای کوردی، وتیشی: سینەما بەشێکە لە شۆڕش لە زمان و کولتووری ئێمەدا، هەموو ئەوەی هەمانە دەیبەخشین و کاردەکەین بۆ پەرەپێدانی لەم بارودۆخەدا کە ناوچەکە تێیدا تێدەپەڕێت، واتە ئێمە سینەمای شۆڕشگێڕ لە شۆڕشدا پێشکەش دەکەین.