فێستیڤاڵی هونەری ژنان لە مەنبج بەڕێوەچوو
ژنانی مەنبج لە ٨ی ئاداردا فێستیڤاڵی ژنانیان ڕێکخست کە بەرهەمی ژنانی کرێکاری لەخۆگرتبوو، ژنانیش لە هەموو پێکهاتە جیاوازەکانەوە ڕەنگی خۆیان لە فێستیڤاڵەکەدا پیشاندا.
![](https://test.jinhaagency.com/uploads/so/articles/2022/03/20220310-20220310-10-03-2022-mibic-mehricana-hunere-jinan-1-jpg620672-image-jpgd0082e-image.jpg)
ژنانی مەنبج لە ٨ی ئاداردا فێستیڤاڵی ژنانیان ڕێکخست کە بەرهەمی ژنانی کرێکاری لەخۆگرتبوو، ژنانیش لە هەموو پێکهاتە جیاوازەکانەوە ڕەنگی خۆیان لە فێستیڤاڵەکەدا پیشاندا.
مەنبج
شاری مەنبج لە باکوور و ڕۆژهەڵاتی سووریا کە مۆزایکێکی جوانە گوزارشت لە کلتوری چوار پێکهاتەی شارەکە دەکات، بۆ زیندووکردنەوەو پاراستنی ئەم کلتوورە هەموو ساڵێک هەنگاوێک دەگیرێتە بەر، هەر پێکهاتەیەک بە کلتور و ڕەنگی ڕەسەنی خۆی لە چالاکییە هونەرییەکاندا بەشدار دەبێت، بەبۆنەی ٨ی ئادار ڕۆژی جیهانی ژنان هەموو ساڵێک فێستیڤاڵی ژنان نمایش دەکرێتت، ئەمساڵ چوارەمین فیستیڤاڵی ژنان لە ناوەندی ڕۆشنبیری و هونەری مەنبج بەڕێوەچوو، لەفیستیڤاڵەکەدا چادری کەلەپووری کۆن سەرنجی هەموو سەردانیکەرانی ڕاکێشا، فاتمە ئەلحەمید هۆنراوەی خوێندەوە و پاشان گروپی تەل هەودان گۆرانییان وت و گروپی سەما سەمای هەرێمییان پێشکەش کرد.
"ئامڕازە کۆنەکان کلتوری هەموو پێکهاتەکانی ناوچەکەی تێدایە"
ڕۆزا ئیسحاق، هاوسەرۆکی ناوەندی ڕۆشنبیری و هونەری مەنبج و گوندنشینەکانی ئاماژەی بەوەکرد کە لە ماوەی چالاکییەکانی ٨ی ئاداردا پێشانگایەکی کەلەپووری کۆنیان وەک کۆمیتەی ڕۆشنبیری و کۆمیتەی ژنان کردەوەو وتی: "لە پێشانگاکەدا چەندین ئامێری فۆلکلۆری نەریتی کە کلتوری هەموو پێکهاتەکانی ناوچەکەی تێدابوو نمایشکران, لە پێشانگاکەدا میراتێک هەیە کە نوێنەرایەتی هەموو ماڵ و پێکهاتەیەک دەکات، ئەمەش گوزارشت لە کلتووری هەر چوار پێکهاتەکە دەکەن کە بریتین لە وێنەی شەهیدان و نەخشەکانی سەر دار و کاری دەستی ژنان چەندین شتی جوان کۆکراونەتەوە".
"خۆشحاڵین کە کلتورەکەمان بەم پێشانگا شکۆدارە نیشان بدەین"
خەبشا سلێمان لە گروپی تەل هەودان ئەوەشی خستەڕوو، کە بەشدارییان بە سەمای عەرەبی کردووە و وتی: "خۆشحاڵین کە کلتورەکەمان بەو پێشانگا شکۆدارە نیشان بدەین کە تابلۆیەکی جوانی هەموو کلتور و پێکهاتەکانی مەنبج لەباوەش دەگرێت".
"من بە دروستکردنی نان بەشداری پێشانگاکەم کرد"
شەها ئەلشێخ لەگوندی شەجارا بەشداری پێشانگاکەی کردووەو ئەوەی خستەڕوو کە پێشتر گەنمیان چاندووە بۆ ئەوەی نان دروست بکەن، وتیشی: "ویستم لە پێشانگاکەدا کارم هەبێت و بە ئامادەکردنی نان بەشداریم کرد، بۆ ئەوەی بەشداربوان بەکلتوری خۆمان بناسێنم باسی ڕابردوو و دروستکردنی نانیش دەکەم".