حەسنا محەمەد

 

شەهبا- کۆمینی سینەمای ڕۆژئاوا-ئەڤرین ماوەیەکی زۆرە بە سەرپەرشتی دەستەی تەڤگەری کولتووری و هونەری عەفرین-شەهبا کار دەکەن بۆ بڵاوکردنەوەی زنجیرە فیلمێک لە شاری شەهبا،  زنجیرەکە بەناوی فیسک بۆ یەکەمجارە لە ڕۆژئاوا و هەموو سووریا دروست دەکرێت.

 

نووسەری زنجیرەی فیسک کە لە ١٠ ئەڵقە پێکهاتووە، شێرین ڕەشیدە و دەرهێنەرەکەی مامۆستا محێدین ئەرسەلەنە، هاوکات ئامادەکارییەکانی لە جلوبەرگەوە تا شوێن و کەسایەتییەکان لەلایەن ئەندامانی کۆمەڵگەی سینەمای ڕۆژئاوا-ئەڤرین ئامادەکراوە.

 

 نووسەری زنجیرەکە و ئەکتەرەکان سەبارەت بە زنجیرەکە قسەیان بۆ کردین.

 

"ئامانجم بەرەوپێشبردنی بەرهەمی ژنانە لە شۆڕشدا"

 شێرین ڕەشید، بەڕێوەبەری تەڤگەری هیلالی زێڕین و سیناریۆنووسی زنجیرەکە، لە سەرەتای قسەکانیدا تیشکی خستە سەر دەرخستنی ژنان لە بەرهەمەکانی شۆڕشی ڕۆژئاوا و لە کوێوە بیرۆکەی نووسینی زنجیرەکەی دەستکەوتووە، وتی: ویستم کە لەگەڵ شۆڕشدا لەسەر ڕۆڵ و بەرهەمەکانی ژنان بنووسم و بیخەمە مێژووەوە، بیرۆکەی نووسینی زنجیرەیەکی لەو شێوەیە لە فێستیڤاڵی میتانەوە هاتووە، لەو کاتەدا بەپێی کات بابەتەکانمان هەڵدەبژارد و کورتە فیلممان پێشکەش بە خەڵک دەکرد، باس لە کێشەکانی ژیانی وەک ڕەخنە لە ئیدارە و چارەسەری ئەو کێشانە کرا، ویستمان کارەکتەری هیندۆ و هیندێک تەنها لەسەر شانۆ نەمێنێتەوە و ببێتە زنجیرەیەک، بەڵکو لە هەمان کاتدا بابەتەکانی فراوانتر بکات و کۆمەڵگە پەروەردە بکات لەسەر بیرۆکەی نەتەوەی دیموکراتیکی ڕاستەقینە و ئەم پڕۆژەیە لە ڕێگەی خێزانی هیندۆس و هیند پراکتیزە بکەن.

 

"سەختییەکان لە کۆچبەریدا"

شێرین ڕەشید باسی ئەو سەختییانەی کرد کە لە نووسینی زنجیرەکەدا ڕووبەڕووی بووەتەوەو وتی: لە نووسینی زنجیرەکەدا بێگومان نووسەر چەندین ئاستەنگی دەبینێت، بەتایبەتی لە ڕووی کۆچ و شەڕەوە، جگە لەوەش پێویستە کارەکتەرە باشەکان بەپێی سیناریۆ ئامادەبکرێن و ڕۆڵی خۆیان ببینن، نووسینی ئاسان نەبوو، بەڵام بەپێی دەرفەتەکان هەوڵمدا مافی ئەم زنجیرەیە بپارێزم، نووسینی نزیکەی ساڵێکی خایاند و لە ئەنجامدا بەپێی ئەو دۆخەی پێیدا تێدەپەڕین، ١٠ ئەڵقەی نووسرا و لە داهاتوودا زنجیرەی درێژتر دروست دەکرێت، هەر بازنەیەک بابەتێکی جیاواز لەخۆدەگرێت و دەیخاتە ڕوو وەک مێژوو، ڕەشبگیری و چارەسەرەکەی، دەسەڵاتداریی، چارەنووسی خۆنووسین، دابەشبوون لە نێوان کورددا، ئەو بابەتانەی وەرمانگرتووە زۆربەی تایبەتمەندییەکانی کورد لەخۆدەگرێت و ویستمان بیانکەین بە زنجیرەیەک بە شێوەیەک کە هەمووان خۆشیان دەوێت و سەیری بکەن، ویستمان ئەم زنجیرەیە بە شێوەیەکی جیاواز ئامادە بکەین، بە فیگەری یاری کە بە دەست یاری پێبکرێت.

 

"بابەتەکانی فیسک باسی ژیانی کوردستان دەکەن"

 ڕومەت بەکۆ، دەرهێنەری کۆمینی شانۆی عەفرین- شەهبا-حەلەب، لە هەمان کاتدا، ئەکتەری سەرەکی زنجیرەکە، ڕایگەیاند، یەکەمجارە زنجیرەیەکی لەم جۆرە لە ڕۆژئاوا دروست بکرێت و وتی: بۆ یەکەمجار لەڕووی کۆچەوە، لە زنجیرەیەکداین بە یاریەوە، ئەم زنجیرەیە بۆ یەکەمجار لەسەر ئاستی ڕۆژئاوا و سووریا بەگشتی ئامادە دەکرێت و زۆر شانازی بەم ئەزموونە دەکەین کە زنجیرەیەک لەم جۆرە بەپێی دەرفەتەکانی ئێستا ئامادە دەکرێت، هەروەها ئەمە شوێنی سەرکەوتنە، من کارەکتەری هیندم لە زنجیرەکەدا وەرگرتووە و ڕۆڵێکی سەرەکی تێدا دەگێڕم، لە ڕێگەی ئەم بنەماڵەیەوە زنجیرەیەک ئامادە دەکرێت کە چۆن دایکێک بتوانێت بە کوردی بمێنێتەوە و لە ناو ڕژێمەکاندا منداڵەکانی فێری کولتووری کوردی بکات، ئەو تەوەرانەی کە ئامادەکراون بریتین لە ژیانی گشتی کوردستان و چۆن هەر دەوڵەتێک کاریگەری لەسەر بەشێکی کوردستان هەبووە، لەم زنجیرەیەدا دایک هەمیشە هەوڵ دەدات منداڵەکانی کۆبکاتەوە و کولتووری کوردی لە ماڵدا بچێنێت، لە هەمان کاتدا دەیەوێت یەکسانی لە بنەماڵەکەیدا دروست بکات و عەقڵیەتی پیاوسالاری لەناو ببات.

 

"هیند هەوڵی بونیادنانی خێزانێکی دیموکراتیک دەدات"

 ڕومەت بەکۆ ڕایگەیاند، ئەم زنجیرەیە باس لە کێشە و ژیانی کوردستان دەکات و لە کۆتایی قسەکانیدا وتی: لە زنجیرە فیلمێکدا باس لە تەوەرێکی خێزانی دەکرێت، بەڵام ئەگەر بە وردی سەیری زنجیرەکە بکەیت، بۆت دەردەکەوێت کە تەوەرێکی کوردستانییە و باس لە کێشە و ژیانی کوردستان دەکات، دایک ڕۆڵی سەرەکی لە خێزانەکەدا دەبینێت، هیند لەم زنجیرەیەدا زۆر گرنگە چونکە لە ڕێگەیەوە ئەم کێشانە ڕوون دەکرێنەوە هەروەها هەوڵی بونیادنانی خێزانێکی دیموکراتیک دەدات، کە منداڵەکان بە ڕۆحی دیموکراتیک پەروەردە بکەن، بابەتەکانی بە باشی نووسراون، چیرۆکە سەرەکییە کوردییەکانمان، کولتوور و کێشەکانمان تێیدا باس دەکرێن، هەر بازنەیەک ئامانج و پەیامی خۆی هەیە، هەروەها وەک ئەکتەر هەوڵدەدەین پەیام بدەین و بازنەکە بە شێوەیەکی ڕوون پێشکەش بکەین، بۆ ئەوەی بە باشی لە پرسەکانی بازنەکە تێبگەین.