ناوەندی یەکپار ٧ ڕەنگی هونەری نوێ دەکاتەوە
ناوەندی یەکپار لە ڕێگەی چالاکی هونەری و کولتوورییەوە لە هەوڵی زیندووکردنەوەی کەلەپووری کولتووری باکوور و ڕۆژهەڵاتی سووریادایە، بەگوێرەی ئەندامانی سەنتەرەکە، ئامانجی یەکپار پشتگیریکردن و چالاککردنی ڕۆڵی گەنجانە لە بواری ڕۆشنبیری و هونەردا.
![](https://test.jinhaagency.com/uploads/so/articles/2023/12/20231210-20231210-43-jpg64037e-image-jpgd55a46-image.jpg)
عەبیر محەمەد
قامیشلۆ- گروپی یەکپار لە ساڵی ٢٠٢١ دامەزراوە بە پاڵپشتی گەنجانی پێکهاتە جیاوازەکان بۆ زیندووکردنەوەی کەلەپووری کولتووری باکوور و ڕۆژهەڵاتی سووریا، مەبەستی ئەم گەڕانە قوڵە بۆ گۆرانی نەریتی و کاری نوێکردنەوه و به دۆکیۆمێنت کردنیانە، دواتر بە پێویستی زانی ئەم پڕۆژەیە فراوانتر بکرێت و بکرێت بە ناوەندێک کە ٧ ڕەنگی هونەر لەخۆ دەگرێت، لە مانگی تەمووزی ئەمساڵدا، ناوەندی یەکپار بە فەرمی کرایەوە.
ڕۆژدا یاسین گۆرانیبێژێکی گەنجی قامیشلۆیە لە باکوور و ڕۆژهەڵاتی سووریا و لە زانکۆی ڕۆژئاوا دەخوێنێت، لە کاتێکدا بەڕێوەبەری ناوەندی یەکپارە و پەروەردەی زمانی ئینگلیزی بە ئەندامانی ناوەندەکە دەڵێت، دەربارەی دەستپێکردنی یەکپار دەستیپێکردو وتی: ئەم پڕۆژەیه به سێ کەس ده ستیپێکرد. ئەو سێ کەسە خەڵکی سەرێکانی، قامیشلۆو حەسەکە بوون، بۆ ئەوەی پڕۆژەکە فراوانتر بێت و چەندین بەش لە خۆیدا هەڵبگرێت، ئەم گروپە گۆڕدراوە بۆ ناوەندێک.
ناوەندی یەکپار چەند بەشی تێدایە؟
ڕۆژدا یاسین لە درێژەی قسەکانیدا وتی: ناوەندی یەکپار لە دوو بەش پێکهاتووە: بەشی بەڕێوەبردن و بەشی هونەری، بەشی هونەری چەندین لقی تێدایە، یەکێک لەوانە بەشی مۆسیقایە کە خولی پەروەردە لە ئامێرە مۆسیقییەکان و هەروەها دروستکردنی یانە و ڕێکخستنی چالاکی و فیستیڤاڵەکان دەگرێتەوە، لە لایەکی ترەوە، بەشێکی سینەمایی هەیە کە پەروەردەی نووسینی سیناریۆ، وێنەگرتن، مۆنتاژ، دروستکردنی دۆکیومێنتاری و کورتە فیلم لەخۆ دەگرێت، بەشی وێنەکێشان هەیە و وانەی وێنەکێشان هەیە، هەروەها بەشێک لە کۆرسەکانی پەروەردەی زمانی ئینگلیزی هەیە.
ڕۆژدا یاسین رایگەیاند، بەشێکی تایبەت لە پاراستنی منداڵان لە ناوەندەکەدا هەیە وتی: کاری ئێمە لەم بەشەدا بریتییە لە دروستکردنی وۆرکشۆپ و چالاکی هونەری و کاتبەسەربردن و چالاکی هونەری بۆ گرووپە تەمەنە جیاوازەکانی منداڵان بۆ پشتگیریکردن و پەرەپێدانیان.
بەشێکی تایبەت به پشتیوانی و بەهێزکردنی ژنان
ئەوەی سەرنج بۆ ناوەندی یەکپار ڕادەکێشێت، بوونی بەشێکی تایبەتە بە ژنان کە لە ڕێگەیەوە پاڵپشتی و بەهێزکردنی ژنان دەکات لە بوارەکانی هونەر و ڕۆشنبیریدا و وۆرکشۆپی پەروەردەیی بۆ ساز دەکات، هەروەها ژنان لە هەموو تەمەنەکاندا بەشدارن لە ڕێگەی فێرکردنی کاری دەستی و هونەرەکانی تر، ڕۆژدا یاسین وتی: بەشێکی تایبەتمان بۆ ژنان تەرخان کردووە، هەوڵەکان بۆ بەهێزکردنی ژنان بەردەوامن و بەردەوام دەبن.
"له ماوەیەکی کورتدا چەندین کار له یەکپار ئه نجام درا"
هەرچەندە یەکپار هێشتا لە سەرەتای دامەزراندنیدایە و کارێک دەکات بەبێ ئەوەی تێچووی ماددی بەدەست بهێنێت، بەڵام لە ماوەیەکی کورتدا کارێکی سەرنجڕاکێشی ئەنجام داوە، ڕێگە بە یەکپار دەدات تایبەتمەندی جیاواز و سەرنجڕاکێشی هەبێت، ڕۆژدا یاسین لەبارەی ئەو کارەی کە ئەنجامیان داوە وتی: "یەکپار لە چەندین فیستیڤاڵدا بەشداری کردووە و چەندین فێستیڤاڵیشی ڕێکخستووە. بە دڵنیاییەوە ناوەندەکەمان دەتوانێت کۆنسێرت لە دەرەوەی وڵات ئەنجام بدات، لە ئێستادا چەندین چالاکی بۆ منداڵان ڕێکخراوە و یەکێک لەو چالاکییانە بۆ منداڵانی تووشبوو بە شێرپەنجەیە.
"لە هەموو بوارەکاندا سەرکەوتوو بوو"
ڕەندا محەمەد ژنێکی گەنجی خەڵکی قامیشلۆیە لە باکوور و ڕۆژهەڵاتی سووریا کە مانگێک لەمەوبەر هاتووەتە ناوەندی یەکپار بۆ ئەوەی ببێتە ئەندام و ئێستا وەک ئەندامی بەشی چاودێری و هەڵسەنگاندن کار دەکات، لەبارەی بەشداریکردنی لە ناوەندەکە وتی: بۆ ماوەی مانگێکە لە ناوەندی یەکپارم، ئەمە شەرەفێکە بۆ من. هۆکاری بەشداریکردنم ئەوە بوو کە ناوەندەکە لە هەموو بوارەکاندا سەرکەوتوو بوو، لە هونەری شێوەکاریدا هەوڵدەدەم خۆم لەم سەنتەرەدا دروست بکەم.