siyaset

14:50

Berdevka HDP'ê Ebru Gunay, ji yurdên cemaetê heta krîza aborî mijarên girîng ên rojeva Tirkiyeyê nirxand.

07:50

Endama Koordînasyona Meclisa Jin a Bakur û Rojhilatê Sûriyeye Stêr Qasim têkildarî rola jinan di nivîsandina desûrê de nirxandin kir û wiha got: “Dewletên desthilatdar bê proje û nêrîna ji civakê û jinan destûra xwe dinivîsandin. Destûrên di Sûriyeyê de dîsa tu xizmet ji jinan re pêşkêş nekirin ji ber destûra Sûriyeyê ne li gorî prensîbên navdewletî ye. Di Bakur û Rojhilatê Sûriyeyê de em dixwazin wî şeklê destûrê demokratîk bidin diyarkirin heya asteke bilind em pîvanên demokratîk li ser esasê projeya Neteweya Demokratîk pêk tînin. Jin roleke sereke di pêşnegiya civakê de dilîzin û bingeha serkeftina şoreşa veguhertinê ne. Di nêrîna me de dê di Sûriyeya nû de jin xwedî cihek bi nirx bin û rola wan di destûrên demokratîk de hebe.”

12:59

Parlamentera Parlamantoya Herêma Federal a Kurdistanê û berpirsa Lijneya Mafên Mirovan a Başûrê Kurdistanê Bedriye Îsmaîl da diyarkirin ku zarokên li gîrtîgehan di rewşeke gelek xirab de ne û dayikên girtî nikarin şîr û pêwîstiyên zarokên xwe dabîn bikin.

13:08

Meclisa Jinan a HDP’ê destnîşan kirin ku parlamentera HDP'ê ya Amedê Semra Guzel ne bi tenê ye û ji bo xwedîderketinê banga bihêzkirina piştevaniyê kirin.

11:12

Fezlekeya di derbarê wekîla HDP'ê ya Amedê Semra Guzel hatî amadekirin ji Serokomariyê re hat şandin.

10:52

Li Îraqê hewla ji bo lihevkirina aliyên siyasî berdewam e, lê belê hikumetek jin tê de nebe, dixwazin. Endama serkirdeya YNK’ê Rabîhe Hemed di derbarê hikûmeta Îraqê ya nû bê avakirin de destnîşan kir ku ji ber aqilê mêrsalarî rola jinê di parlementoyê de nîne.

08:21

Hevseroka Komîteya Têkiliyên Civakî ya Rêveberiya sivîl a Demokratîk a Minbicê û gundewarên wê Zahîde Îshaq di hevpeyvînek ji ajansa me re ev yek piştrast kir: “Hedefgirtina Sakîne Cansiz û herdu rêhevalên wê, di kesayeta wan de têkoşîna jinan hedef girtiye. Tevî ku Fransa hemû delîl di destên wê de hebûn jî komkujiya Parîsê veşart."

08:22

Lêkolîner Çinar Salih têkildarî aloziya li Sûriyeye û berjewendiyên hêzên garantor li herêmê, her wiha rola wan di kûrkirina vê aloziyê de nirxandin kir û wiha got: “Astana civîneke berjewendiyan e û tu çareserî ji bo doza Sûriyeyê bi pêş nexistiye. Hêzên garantor li herêmê pêwîstî bi çareseriyê nabînin. Piştî şikestina DAIŞ’ê di Bakur û Rojhilatê Sûriyeyê de êdî ew şerê mezin nemaye lê Sûriye ber bi îstîqrareke neyînî ve çûye. Dîsa jî rewşa herî bi aram di tevahî Sûriyeyê de rewşa herêmên me ye û çareserî di destên me de ye ji ber em xwedî projeyeke demokratîk in. Rojhilata Navîn pêwîstiya wê bi dîzaynê heye û em esasê vê dîzaynê ne.”

08:48

Endama Koordinasyona PAJK’ê Şîmal Ulkem têkoşîna tevgerên jinan a salê nirxand û got: “Ger em jin xwedî bername, pilan û wêrekiyek mezin in wê demê tiştek li pêşiya me nikare bibe asteng. Em dikarin hemû sînoran derbas bikin, dorpêçan bişkênin, tecrîdê ji holê rakin, mêtîngeriyê bi dawî bikin, faşîzmê hilweşînin, azadiya fîzîkî ya Rêber Apo pêkbînin û şoreşa jinê li Kurdistanê mîsoger bikin. Ez bi vê hêvî û baweriyê dibêjim dem dema azadiya jinê ye.”

14:38

Cîgira hevseroka Tevgera Azadî û Komeleya Kurdistanê Tara Hisên rojeva siyasî sala 2021’an û tayîbetî bûyerên bandor li siyaseta herêma Başûrê kurdistanê û Iraqê kirine, pêre jî çalakiyên jinan nirxandin û diyar kir ku di vê salê de jinan gelek destkeftiyên girîng bi dest xist lê belê ya girîng ewe ku yekrêziya jinan hîn zêdetir bihêz bibe, ji ber yekrêziya jinan dikare sala 2022’an bike sala gihîştina armanc û pêşîlêgirtina tundîtûjî û dagirkeriyê.

08:39

Fermandara YPJ’ê Zinarîn Qamişlo xebatên YPJ'ê yên salê nirxand û got: "Emê weke YPJ bibin teminata hemû jinan, ji bo wê jî me bi perwerdeyên pisporiyê amadekariyên xwe kirine û em ê ji bo parastina hemû jinan şer bikin. Li ser erdnîgariya şoreşa jinê bi berxwedaniya mezin a ji rengê hemû jinan em ê sala 2022'an bi serkeftinê tacîdar bikin.”

09:18

Di bûyerên siyasî yên li Îraq û herêma Kurdistanê rûdayîn de jinan rolê giring lîstin. Di hilbijartinên pêşwext ên parlemena Îraqê de derket holê ku baweriya hemû kesîmên civakê zêdetir bi jinan heye. Jinên siyasetmendar dan diyarkirin ku divê jin di hemû aliyan de zêdetir rolê xwe bilîzin û durî aqlê desthilat û mêrsalarî di mecrayên biriyardayînê û rêvebirina civakê de zêdetir nêrîna jinê serwre bikin.

07:59

Endama Komîteya Dîplomasiyê ya TAJÊ Suham Şengalî xebatên wan ên bi jinên Iraq û Başûrê Kurdistanê re nirxand û got: “Me di nava salê de li Bexda û Silêmaniyê bi rêxistinên jinan, jinên rewşenbîr û siyasetmendar re hevdîtin kirin. Di wan hevdîtinan de em li ser pirsgirêkên heyî û li hemberî êrîşên dagirkeriyê yên li ser Şengal û tevahî axa Başûrê Kurdistanê axivîn.

10:02

Seroka Dîwana Wêjeyê ya Rojava Narîman Evdikê yek ji endamên heyeta Kongreya Star bû ku ji bo welatê Baskê hatibû vexwendin. Narîman encamên serdan û hevdîtinên xwe wiha parve kir: “Welatên derve proje, sîstem, ziman û rêxistina me pir mereq dikin taybet mijara di şoreşê de pêşengiya jinê. Encamên hevdîtinên me pir erênî bûn û em pir kêfxweşin ku em nimûne ne ji tevahî jinên cîhanê re.”

08:27

Hevseroka Encumana Zagonsaz a herêma Firatê Fewza Ebdî diyar kir ku guhertinên di hevpeymana civakî de bên çêkirin dê gaveke ber bi serkeftinê ve bin û gelek encamên girîng dê li herêmê pêk bên, hemû pêkhateyên li herêmên Bakur Rojhilatê Sûriyeyê-Rojava para xwe di nav de bibînin, bi taybetî jin.

07:55

Endama Desteya Rêveber a herêma Firatê Cîhan Îbîş der barê cezayê darvekirinê ji bo herdu jinên Efrînî de wiha got: "Çeteyên dewleta tirk dixwazin bi şikandina vîna jinan, hemû civakê xira bikin û zagonên xwe li ser jinan bidin meşandin. Cezayê dervekirinê ku li du jinên Kurd hatiye birîn li benda pêkanînê ye. Ji bo vê banga min ji tevahî jinan re heye divê em li hemberî neheqiyê bisekinin."

11:21

Pispora jineolojiyê Necîbe Qeredaxî di derbarê Kongreya Serketina Eniya Diyaloga Kurd û Ereban a 11’ê Kanûnê li Bexdayê hatî li darxistin de nirxandinên giring kir û weke modela çareseriya pirsgirêkên heyî pergala Bakûr û Rojhilatê Sûriyê ya bi pêşengiya jinan jiyanî dibe mînak da.

09:54

Nûnerên rêxistinên jinan diyar kirin û pêdiviya jinên dikevin nava karê siyasetê despêkê bi perwerdeya di biniya rêxistinên jinan de tê dayîn heye û gotin: “Ji bo nûneriyek baş ji jinan re bikin û di nava partiyên siyasî de bêdneg nemînin pêdivî bi perwerdeya xweser heye. Ger wiha be pêdivî pê namîne partiyên siyasî li ser pirsa jinê biriyarê bidin.”

09:22

Berdevka Partiya Yekitiya Demokratîk Sema Begdaş têkildarî geşedanên dawî yên li herêmê rû didin nirxandin kir û wiha got: “Mixabin ev ne cara yekemîn e sînorê Sêmalka tê girtin her dem di bin hinek bihaneyan de hikûmeta herêma Kurdistanê derî digre, mijar berjewendiyên siyasî ne. Girtina sînorê Sêmalka û Pêşxabûr xizmeta doza Kurd nake. Li hemberî herêma me planeke siyasî û aborî tê kirin û êrîşên dewleta tirk ên herî dawî li ser Zirganê mînakên herî berbiçav in.”

07:57

Endama Koordînasyona Meclisa Jinan a Sûriyeyê Lîna Berekat xebatên meclisê yên di sala 2021’ê de hatine kirin nirxand û got: “Xurtkirin jinan di hemû qadên civakî de û taybetî di qada siyasetê de, ji bo ku bibe xwedî rol, di çareserkirina pirsgirêka Sûriyeyê de ji erkên me yên esasî bû. Di sala 2021’ê de meclisa me xwedî projeyên girîng bû û dikaribû heya asteke mezin destek û alîkariyê bide tevahî jinan û dengê wan di qadên navnetewî de vede. “